ରାଜ୍ୟରେ ୫୩ କରୋନା ସଂକ୍ରମିତ
ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ ସାମାନ୍ୟ ବୃଦ୍ଧି ପାଇଛି। ଦୈନିକ ସଂକ୍ରମଣ ୧୨ ତଳକୁ ରହୁଥିବାବେେଳ ଏପର୍ଯ୍ୟନ୍ତ ୫୩ ସକ୍ରିୟ ସଂକ୍ରମିତ ଚିହ୍ନଟ ହୋଇଛନ୍ତି ଏବଂ ଜଣେ ମାତ୍ର ଚିକିତ୍ସାଳୟରେ ଚିକିତ୍ସାଧୀନ ରହିଛନ୍ତି। ତେବେ କରୋନାକୁ ନେଇ ଭୟଭୀତ ନ ହେବାକୁ ପରାମର୍ଶ ଦେଇଛନ୍ତି ଜନସ୍ବାସ୍ଥ୍ୟ ନିର୍ଦେଶକ ଡା. ନିରଞ୍ଜନ ମିଶ୍ର।
ଏସମ୍ପର୍କରେ ସୂଚନା ଦେଇ ଡା. ମିଶ୍ର କହିଛନ୍ତି ଯେ, ରବିବାର ରାଜ୍ୟରେ ୧୦ କରୋନା ରୋଗୀ ଚିହ୍ନଟ ହୋଇଛନ୍ତି। ଯଦି ଥଣ୍ଡା, କାଶ, ଜ୍ବର ଲକ୍ଷଣ ଦେଖା ଦେଉଛି ତେବେ ତୁରନ୍ତ କରୋନା ପରୀକ୍ଷା କରାଇ ନେବା ଆବଶ୍ୟକ। ଯଦିଓ କରୋନା ବୃଦ୍ଧି ହୋଇଛି ତଥାପି ଏହା ଅତି ନଗଣ୍ୟ। ଗତ କିଛିଦିନ ହେବ ଦେଶର ବିଭିନ୍ନ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହେଉଛି। କେରଳ, ମହାରାଷ୍ଟ୍ର, ତାମିଲନାଡୁ ଓ ରାଜସ୍ଥାନରେ ମଧ୍ୟ ସଂକ୍ରମିତଙ୍କ ସଂଖ୍ୟା ବୃଦ୍ଧି ହୋଇଥିବା ସାମ୍ନାକୁ ଆସିଛି। ବର୍ତ୍ତମାନ ସାରା ଦେଶରେ ୬ ହଜାର ୩୦୦ ସକ୍ରିୟ ମାମାଲା ରହିଛି। ଏବେ ଆତଙ୍କିତ ହେଲା ଭଳି ସ୍ଥିତି ନାହିଁ। ଏଥିପାଇଁ ସମସ୍ତ ଜିଲାକୁ ସଜାଗ ରହିବାକୁ ନିର୍ଦେଶ ଦିଆଯାଇଛି। ଆବଶ୍ୟକସ୍ଥଳେ ଅଧିକ କରୋନା ପରୀକ୍ଷା କରିବାକୁ ମଧ୍ୟ କୁହାଯାଇଛି। ଚିହ୍ନଟଙ୍କ ମଧ୍ୟରେ ଖୋର୍ଦ୍ଧା ଜିଲାରେ ସଂକ୍ରମିତଙ୍କ ସଂଖ୍ୟା ଅଧିକ ରହିଛି। ବର୍ତ୍ତମାନ ସୁଦ୍ଧା ରାଜ୍ୟରେ ୧୩ ଲକ୍ଷ ୩୬ ହଜାର ୩୦୪ ଜଣ କରୋନା ସଂକ୍ରମିତ ହୋଇଛନ୍ତି।
ରାଜ୍ୟରେ କରୋନା ସଂକ୍ରମଣ ସାମାନ୍ୟ ବୃଦ୍ଧି ପାଇଛି
Popular Categories
Previous article
Next article