ଛତ୍ରପୁର : କରୋନା ମୁକାବିଲା ପାଇଁ ରାଜ୍ୟରେ ଲକ୍ଡାଉନ୍ ଲାଗୁ ହୋଇଛି। ଏହି ସମୟରେ ଅତ୍ୟାବଶ୍ୟକ ସେବାକୁ ବାଦ୍ ଦେଲେ ବାକି ସବୁ କିଛି ବନ୍ଦ ରହିଛି। ଖାଦ୍ୟର ହୋମ ଡେଲିଭରିକୁ ରାଜ୍ୟ ସରକାର ଅନୁମତି ଦେଇଛନ୍ତି। ହେଲେ ଲକ୍ଡାଉନ୍ ସମୟରେ ମଦର ହୋମ ଡେଲିଭରି ଉପରେ ରାଜ୍ୟ ସରକାର ଜିଲ୍ଲାପାଳଙ୍କ ଉପରେ ନିଷ୍ପତି ଛାଡିଛନ୍ତି।
ଏନେଇ ଅବକାରୀ ସଚିବ ଗୁରୁବାର ଅବକାରୀ କମିଶନରଙ୍କୁ ଚିଠି ଲେଖିଛନ୍ତି। ଜିଲ୍ଲାର କୋଭିଡ ସ୍ଥିତି ଦେଖି ଜିଲ୍ଲାପାଳ ନିଜ ଜିଲ୍ଲାରେ ମଦର ହୋମ ଡେଲିଭରି ହେବା ନେଇ ନିଷ୍ପତ୍ତି ନେବେ। କୋଭିଡ ନିୟମ ଅନୁଯାୟୀ ମଦ ହୋମ୍ ଡେଲିଭରି ହେବ ବୋଲି ଚିଠିରେ ଉଲ୍ଲେଖ ରହିଛି। କିନ୍ତୁ ଗଞ୍ଜାମ ଜିଲ୍ଲା ଛତ୍ରପୁରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ଏକ ବିଦେଶୀ ମଦ ଦୋକାନରେ ଖୁଲମ ଖୁଲା ମଦ ବିକ୍ରି ହେଉଥିବା ଦେଖିବାକୁ ମିଳିଛି, ଏପରିକି ଦୋକାନରେ ପ୍ରଵଳ ଗହଳି ହେବା ସହ ସାମାଜିକ ଦୂରତା ସମସ୍ତେ ଭୁଲି ଯାଇଛନ୍ତି। ଯାହାକି ଏଠାରେ କୋଭିଡ ଗାଇଡ଼ ଲାଇନର ଉଲଘଂନ ହୋଇଛି। ଦୋକାନୀମାନେ ଦୋକାନରେ ଲୋକଙ୍କୁ ମଦ ବିକ୍ରି କରିପାରିବେ ନାହିଁ କେବଳ ହୋମ ଡେଲିଭରି କରିବାର ନିୟମ ରହିଥିଲେ ବି କିପରି ଏହି ଦୋକାନୀ ବିକ୍ରି କରୁଛି ତାହା ଏବେ ପ୍ରଶ୍ନ ଉଠିଛି। ଏହି ଦୋକାନ ଛତ୍ରପୁର ଅବକାରୀ ବିଭାଗ କାର୍ଯ୍ୟଳୟ ମାତ୍ର ଅଳ୍ପ ଦୂରରେ ରହିଥିଲେ ବି ଅବକାରୀ ବିଭାଗ କିପରି ଜାଣିପାରିଲେ ନାହିଁ ତାହା ମଧ୍ୟ୍ୟ ସଂଦେହ ସୃଷ୍ଟି କରିଛି? ଏନେଇ ଛତ୍ରପୁର ଅବକାରୀ ଅଧିକ୍ଷକ ରାଜେନ୍ଦ୍ର କୁମାର ଭାତ୍ରାଙ୍କୁ ପଚାରିବାରେ ମଦ ଦୋକାନୀ ମାନେ ମଦ ହୋମ ଡେଲିଭରି କରିବେ କିନ୍ତୁ ଦୋକାନରେ ବିକ୍ରି କରି ପାରିବେ ନାହିଁ ଯଦି ଯେଉଁ ଦୋକାନୀ ମଦ ଦୋକାନରେ ବିକ୍ରି କରିବେ ତାହା ସିଲ କରାଯିବ ଏବଂ ଶନିବାର ଓ ରବିବାର ଦୋକାନ ସମ୍ପୂର୍ଣ୍ଣ ବନ୍ଧ ରହିବ ବୋଲି କହିଥିଲେ।
