ନୂଆଦିଲ୍ଲୀ .. –ବାଳ ଶ୍ରମିକ ରଖିବାରୁ ଦମ୍ପତିଙ୍କୁ ଦେଢ ଲକ୍ଷ ଟଙ୍କା ଜରିମାନା ଦେବା ପାଇଁ ଦିଲ୍ଲୀ ହାଇକୋର୍ଟ ନିର୍ଦେଶ ଦେଇଛନ୍ତି । ଏହା ସହ ସେମାନଙ୍କୁ ୧୦୦ ଗଛ ଲଗାଇବା ପାଇଁ ନିର୍ଦେଶ ଦିଆଯାଇଛି । ଏହା ଜଣେ ନାବାଳିକାକୁ ତାଙ୍କ ଘରେ କାମ କରିବା ପାଇଁ ସାହାଯ୍ୟ କରିଥିବା ୨ ଜଣ ବ୍ୟକ୍ତିଙ୍କୁ ମଧ୍ୟ ୧୦ହଜାର ଲେଖାଏଁ ଜରିମାନା ଦେବା ପାଇଁ ନିର୍ଦେଶ ଦେଇଛନ୍ତି । ଏହି ଟଙ୍କା ନାବାଳିକାଙ୍କୁ ଆକାଉଣ୍ଟରେ ରଖାଯିବ ।
ଏହି ଦମ୍ପତି ଗଛ ଲଗାଇବା ପରେ ଅନ୍ୟ ଦୁଇଜଣ ବ୍ୟକ୍ତିଙ୍କୁ ଗଛର ଯତ୍ନ ନେବା ପାଇଁ ନିର୍ଦେଶ ଦିଆଯାଇଛି । ଗଛ ଲଗାଇବା ପରେ ଏମାନେ ବନ ସଂରକ୍ଷଣ ଅଧିକାରୀଙ୍କୁ ଏ ବିଷୟରେ ସୂଚନା ଦେବେ । ଆସନ୍ତା ତିନି ବର୍ଷ ପର୍ଯ୍ୟନ୍ତ ଏମାନେ ଗଛର ଯତ୍ନ ନେବେ । ଗଛ ଗୁଡିକ ୬ ଫୁଟ ଉଚ୍ଚତା ହେବା ଦରକାର ବୋଲି ନିର୍ଦେଶରେ କୁହାଯାଇଛି ।
ଦିଲ୍ଲୀର ରାଜୋରୀ ଗାର୍ଡେନ ଥାନାରେ ଜଣେ ନାବାଳିକାଙ୍କୁ ଘରେ କାମ କରିବା ପାଇଁ ରଖିବା ସହ ତାଙ୍କୁ ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଥିଲା ।