ନୂଆଦିଲ୍ଲୀ : ଦେଶରୁ ଔଷଧ ରପ୍ତାନୀ ଗତ ୪ ମାସ ମଧ୍ୟରେ ୧୪୬ ପ୍ରତିଶତ ବୃଦ୍ଧି ପାଇଛି। ସ୍ୱାସ୍ଥ୍ୟମନ୍ତ୍ରୀ ମନସୁଖ ମୁଣ୍ଡଭ୍ୟ କହିଛନ୍ତି ୨୦୧୩-୧୪ରେ ଦେଶରେ ଔଷଧ ରପ୍ତାନୀ ପରିମାଣ ୨୦ ହଜାର ୫୯୬ କୋଟି ଟଙ୍କା ଥିବା ବେଳେ ଗତ ଏପ୍ରିଲ୍ରୁ ଜୁଲାଇ ମାସ ମଧ୍ୟରେ ତାହା ୫୦ ହଜାର କୋଟି ଟଙ୍କାକୁ ବୃଦ୍ଧି ପାଇଛି।
ବିଶ୍ବସ୍ତରରେ ଭାରତୀୟ ଔଷଧର ଚାହିଦା ଓ ବିଶ୍ବସନୀୟତା ବୃଦ୍ଧି ପାଇଛି । ବିଶ୍ବ ଔଷଧ ଜଗତରେ ଭାରତର ସ୍ବାସ୍ଥ୍ୟସେବା ଏକ ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛି। ଖୁବ ଶୀଘ୍ର ଭାରତ ବିଶ୍ବର ଔଷଧ ଉତ୍ପାଦନ ଓ ରପ୍ତାନୀ କେନ୍ଦ୍ର ହୋଇପାରିବ ବୋଲି ସେ ଆଶା ବ୍ୟକ୍ତ କରିଛନ୍ତି। ସେହିପରି ଦେଶରେ ଉତ୍ପାଦିତ ଔଷଧ ଗୁଡ଼ିକର ରପ୍ତାନୀ ବେଶ ଉଚ୍ଚ ସ୍ତରକୁ ବୃଦ୍ଧି ପାଇଛି ବୋଲି ସେ କହିଛନ୍ତି।
Comments are closed.