ସମାଜ ଡିଜିଟାଲ ଡେସ୍କ: ଆରଜେଡି ନେତା ତେଜପ୍ରତାପଙ୍କ ନିର୍ଦେଶରେ ହୋଲି ଉତ୍ସବରେ ନାଚିବା ଜଣେ କନଷ୍ଟେବଳଙ୍କୁ ମହଙ୍ଗା ପଡ଼ିଛି। ଏଥିପାଇଁ ତାଙ୍କୁ ଚାକିରିରୁ ବହିସ୍କାର କରାଯାଇଛି। ଘଟଣାଟି ଘଟିଛି ବିହାରରେ।
ସୂଚାନ ଅନୁସାରେ, ବିହାରରେ ହୋଲି ଉତ୍ସବ ପାଳନ ପାଇଁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ସମୟରେ ସୁରକ୍ଷା ଦାୟିତ୍ଵରେ କିଛି କନଷ୍ଟେବଳ ମୁତୟନ ହୋଇଥିଲେ। ଉତ୍ସବରେ ଆରଜେଡି ନେତା ତେଜପ୍ରତାପ ଯାଦବ ସାମିଲ ହୋଇଥିଲେ। ସେ ନିଜେ ନାଚିବା ସହିତ ସୁରକ୍ଷା ଦାୟିତ୍ଵରେ ଥିବା କନଷ୍ଟେବଳକୁ ନାଚିବାକୁ କହିଥିଲେ। ଏପରି କି ଧମକ ଦେଇ କହିଥିଲେ ଯେ, ନାଚ, ନଚେତ ନିଲମ୍ବିତ ହେବ। ତେଣୁ ବାଧ୍ୟ ହୋଇ ସେଠାରେ ଉପସ୍ଥିତ କନଷ୍ଟେବଳ ଦୀପକ କୁମାର ନାଚିଥିଲେ। ଏହା ଜଣାପଡ଼ିବା ପରେ ପାଟଣା ଏସପି ଦୀପକଙ୍କୁ ବହିସ୍କାର କରିଛନ୍ତି।
