ଭୁବନେଶ୍ଵର: ମଙ୍ଗଳବାର ଓଡ଼ିଶ ପ୍ରଦେଶ କଂଗ୍ରେସ କମିଟି(ପିସିସି)ର ଇସ୍ତାହାର କମିଟି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଦଳ ଛତିଶଗଡ଼ ଢାଞ୍ଚାରେ ଇସ୍ତାହାର ପ୍ରସ୍ତୁତ କରିଛି। ଛତିଶଗଡ଼ରେ କଂଗ୍ରେସ ସରକାର ଗଢ଼ିଥିବାରୁ ଓଡ଼ିଶା କଂଗ୍ରେସ ତାହାକୁ ଅନୁସରଣ କରି ଏଥର ନିର୍ବାଚନ ଜିତିବ ବୋଲି ଆଶା ରଖିଛି। ତେଣୁ ଇସ୍ତାହାର କମିଟି ବୈଠକରେ ଏଥର ଚାଷୀ ଏବଂ ଚାଷକୁ ଅଧିକ ଗୁରୁତ୍ଵ ଦିଆଯାଇଛି। ବୈଠକରେ ଛତିଶଗଡ଼ ପ୍ରଦେଶ କଂଗ୍ରେସ ନେତୃବୃନ୍ଦଙ୍କ ସମେତ ରାଜ୍ୟର ବରିଷ୍ଠ କଂଗ୍ରେସ ନେତା ଏବଂ ୨୧ଟି ଲୋକସଭା ନିର୍ବାଚନମଣ୍ଡଳୀର ନେତା ଯୋଗଦେଇଥିଲେ। ଇସ୍ତାହାର ସମ୍ପର୍କରେ ସମସ୍ତ ଲୋକ ସଭା ନିର୍ବାଚନମଣ୍ଡଳୀର ନେତାଙ୍କ ସହ ଆଲୋଚନା କରାଯାଇଥିଲା ବୋଲି ଇସ୍ତାହାର କମିଟି ସଦସ୍ୟ ବିଭୁ ତରାଇ ଗଣମାଧ୍ୟମକୁ ସୂଚନା ଦେଇଛନ୍ତି।
