ବିଜେପି ଯେଉଁଠି ଘୃଣା ଓ ହିଂସା ସେଇଠି: ରାହୁଲ ଗାନ୍ଧୀ

ଗୌହାଟି: ଶନିବାର କଂଗ୍ରେସ ଦଳ ପାଳନ କରୁଛି ୧୩୫ ତମ ପ୍ରତିଷ୍ଠା ଦିବସ। ଏହି ଅବସରରେ ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଗୌହାଟିରେ ଏକ ରାଲିକୁ ସମ୍ବୋଧିତ କରିବା ଅବସରରେ ବିଜେପିକୁ ଟାର୍ଗେଟ କରିଛନ୍ତି। ରାହୁଲ କହିଛନ୍ତି ବିଜେପି ଯେଉଁଠି ଯାଉଛି ସେଠାରେ ହିଂସା ଏବଂ ଘୃଣା ସୃଷ୍ଠି କରୁଛି। ସାରଦେଶରେ ହେଉଥିବା ହିଂସା ବିଜେପି ପ୍ରୟୋଜିତ। ଆସାମ ଲୋକଙ୍କ ମଧ୍ୟରେ ବିବାଦ ସୃଷ୍ଟି କରିବା ବିଜେପିର ଲକ୍ଷ୍ୟ। ଏମାନେ ଯେଉଁଠି ଯାଆନ୍ତି ଏଭଳି ସ୍ଥିତି ସୃଷ୍ଟି କରନ୍ତି ବୋଲି ରାହୁଲ କହିଛନ୍ତି। ଆସାମରେ ଯୁବକ ମାନେ ସିଏଏକୁ ନେଇ ବିରୋଧ ପଦର୍ଶନ କରୁଥିଲେ। ସେହିପରି ଅନ୍ୟରାଜ୍ୟ ମାନଙ୍କରେ ମଧ୍ୟ ବିରୋଧ ପଦର୍ଶନ ହେଉଥିଲା। କିନ୍ତୁ ବିଜେପିକୁ କଣପାଇଁ ସେମାନଙ୍କୁ ହତ୍ୟା କରିବାକୁ ପଡୁଛି। ବିଜେପି ଲୋକଙ୍କ କଥା ଶୁଣିବାକୁ ପ୍ରସ୍ତୁତ ନାହିଁ ବୋଲି ରାହୁଲ କହିଛନ୍ତି। ରାହୁଲ କହିଛନ୍ତି ବିଜେପି ଏବଂ ଆରଏସଏସକୁ ଆସାମର ଇତିହାସ,ଭାଷା ଏବଂ ସଂସ୍କୃତି ଉପରେ ଆକ୍ରମଣ କରିବାକୁ ଦେବୁନାହିଁ। ଆସାମକୁ ନାଗପୁର ଏବଂ ଆରଏସଏଏସର କର୍ମକର୍ତ୍ତା ଚଳାଇପାରିବେ ନାହିଁ । ଆସାମବାସୀ ଆସାମର ଶାସନକର୍ତ୍ତା ବୋଲି ରାହୁଲ କହିଛନ୍ତି।

Rahul Gandhi in Guwahati: Wherever the BJP goes, it spreads hate. In Assam, youth is protesting, in other states protests happening as well. Why do you have to shoot and kill them? BJP doesn't want to listen to voice of people pic.twitter.com/Xr2f4zV9tM

— ANI (@ANI) December 28, 2019

ସୂଚନାଯୋଗ୍ୟ ଆଜି କଂଗ୍ରେସ ଦଳ ୧୩୫ ତମ ପ୍ରତିଷ୍ଠା ଦିବସ ପାଳନ କରୁଛି। ପ୍ରତିଷ୍ଠା ଦିବସ ଅବସରରେ ସାରା ଦେଶରେ କେନ୍ଦ୍ର ବିରୋଧରେ ‘ସମ୍ୱିଧାନ ବଞ୍ଚାଅ, ଭାରତ ବଞ୍ଚାଅ’ ରାଲି କରିଛି କଂଗ୍ରେସ। ଶନିବାର ସକାଳେ କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି କଂଗ୍ରେସ ମୁଖ୍ୟ କାର୍ଯ୍ୟାଳୟ ଦଳୀୟ ପତାକାକୁ ଉତ୍ତୋଳନ କରିଥିବା ବେଳେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି ଆସାମର ଗୌହାଟିର ଦଳୀୟ ରାଲିରେ ଯୋଗ ଦେଇ ବିଜେପି ଉପରେ ବର୍ଷିଥିଲେ। ସେହିପରି ବେଳେ ଦଳର ମହାସଚିବ ପ୍ରିୟଙ୍କା ଗାନ୍ଧି ଉତ୍ତର ପ୍ରଦେଶରେ ଯୋଗୀ ଏବଂ ମୋଦି ସରକାର ବିରୋଧରେ ବର୍ଷିଥିଲେ । ପ୍ରିୟଙ୍କା ରାଲିକୁ ସମ୍ବାଧିତ କରି କହିଥିଲେ ବିଜେପି ସାରାଦେଶରେ ଆତଙ୍କରାଜ ଚଲାଇଥିବା ଅଭିଯୋଗ କରିଥିଲେ।