ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ସରକାରୀ ବଙ୍ଗଳା ମରାମତି ବାବଦରେ ୧୭୧ କୋଟି ଟଙ୍କା ଖର୍ଚ୍ଚ ହୋଇଥିବା ଦାବି କରିଛନ୍ତି କଂଗ୍ରେସ ନେତା ଅଜୟ ମାକେନ। ରବିବାର ମାକେନ କହିଛନ୍ତି ଯେ କେଜରିୱାଲଙ୍କ ବଙ୍ଗଳା ମରାମତି ବାବଦରେ ୪୫ କୋଟି ଟଙ୍କା ଖର୍ଚ୍ଚ ହୋଇଥିବା ପୂର୍ବରୁ କୁହାଯାଇଥିଲା। ମାତ୍ର ବାସ୍ତବରେ ଏହି ଅର୍ଥର ପରିମାଣ ୧୭୧ କୋଟି ଟଙ୍କା। କେଜରିୱାଲଙ୍କ ବଙ୍ଗଳା ଚାରିପଟେ ୪ଟି କୋଠା ରହିଛି। ଏହିସବୁ କୋଠାରେ ଦିଲ୍ଲୀ ସରକାରଙ୍କ ୨୨ଜଣ ଅଧିକାରୀ ବାସ କରନ୍ତି। ବଙ୍ଗଳାର ପୁନଃନିର୍ମାଣ ପାଇଁ ଚାରିପଟେ ଥିବା ଘରଗୁଡିକୁ ଖାଲି କରାଯାଇଥିଲା। ସରକାରୀ ଅଧିକାରୀଙ୍କୁ ସେମାନଙ୍କ ବାସ ଭବନରୁ ବାହାର କରାଯିବା ପରେ ସରକାର ସେମାନଙ୍କ ପାଇଁ ଅନ୍ୟସ୍ଥାନରେ ଘର କିଣିଥିଲେ। ସରକାରୀ ଅଧିକାରୀମାନଙ୍କ ରହିବା ଲାଗି ରାଜ୍ୟଗୋଷ୍ଠୀ ଗ୍ରାମରେ ୨୧ଟି ଟାଇପ୍ ୫ ଫ୍ଲାଟ କିଣା ଯାଇଥିଲା। ଏଥିପାଇଁ ୧୨୬ କୋଟି ଟଙ୍କା ଖର୍ଚ୍ଚ ହୋଇଥିଲା। ଏହି ଅର୍ଥ ଦିଲ୍ଲୀ ସରକାରଙ୍କ ରାଜକୋଷରୁ ବ୍ୟୟ କରାଯାଇଥିଲା। ଏହା ବ୍ୟତୀତ ବଙ୍ଗଳାର ପୁନଃନିର୍ମାଣରେ ୪୫ କୋଟି ଖର୍ଚ୍ଚ ହୋଇଥିଲା। ଏହିପରି ଭାବେ ମୋଟ ୧୭୧ କୋଟି ଟଙ୍କା ଖର୍ଚ୍ଚ ହୋଇଥିବା ମାକେନ କହିଛନ୍ତି। କେଜରିୱାଲଙ୍କ ବଙ୍ଗଳା ପୁନଃନିର୍ମାଣରେ ଏତେ ଟଙ୍କା ଖର୍ଚ୍ଚ ହେବାର ଅଭିଯୋଗ ପରେ ଉପରାଜ୍ୟପାଳ ଭିକେ ସାକସେନା ଏହାର ତଦନ୍ତ ନିର୍ଦେଶ ଦେଇଛନ୍ତି। ଅନ୍ୟପଟେ ଦିଲ୍ଲୀର ଆପ୍ ସରକାର ଏପରି ଅଭିଯୋଗକୁ ଖଣ୍ଡନ କରିଛନ୍ତି।
Popular Categories
Previous article
Next article