ଆନ୍ଧ୍ରରେ ଏକୁଟିଆ ଲଢ଼ିବ କଂଗ୍ରେସ

ବିଜୟୱାଡ଼ା: ଆନ୍ଧ୍ରପ୍ରଦେଶରେ ଆଗାମୀ ବିଧାନସଭା ଓ ଲୋକସଭା ନିର୍ବାଚନରେ କଂଗ୍ରେସ ଏକାକୀ ଲଢ଼ିବ। ଆନ୍ଧ୍ରପ୍ରଦେଶ କଂଗ୍ରେସ କମିଟିର ଦୁଇଦିନିଆ ବୈଠକରେ ଏହି ନିଷ୍ପତ୍ତି ହୋଇଥିବା ଜଣାପଡ଼ିଛି।
ନିର୍ଭରଯୋଗ୍ୟ ସୂତ୍ରରୁ ପ୍ରାପ୍ତ ଖବର ଅନୁଯାୟୀ, ଆନ୍ଧ୍ରପ୍ରଦେଶର ୧୭୫ଟି ବିଧାନସଭା ଓ ୨୫ଟି ଲୋକସଭା ଆସନରେ ହେବାକୁ ଯାଉଥିବା ନିର୍ବାଚନ ରଣୀନୀତି ପ୍ରସ୍ତୁତ ପାଇଁ କଂଗ୍ରେସ ହାଇକମାଣ୍ଡ ପ୍ରଦେଶ କଂଗ୍ରେସ କମିଟିକୁ ସମ୍ପୂର୍ଣ୍ଣ ସ୍ୱାଧୀନତା ଦେଇଛନ୍ତି। କମିଟିର ବୈଠକ ଆରମ୍ଭରେ କିଛି କଂଗ୍ରେସ ସଦସ୍ୟ ଟିଡିପି ସହିତ ମେଣ୍ଟ ପାଇଁ ପ୍ରସ୍ତାବ ଦେଇଥିବା ବେଳେ ଆଉ କିଛି ସଦସ୍ୟ ୱାଇଏସ୍‍ଆରସି ଓ ଜନ ସେନା ସହିତ ମେଣ୍ଟ ପାଇଁ ପ୍ରସ୍ତାବ ଦେଇଥିଲେ। ଦ୍ୱିତୀୟ ଦିନରେ ଆନ୍ଧ୍ରପ୍ରଦେଶ ଦାୟିତ୍ୱରେ ଥିବା ଏଆଇସିସି ମହାସଚିବ ଓମେନ୍‍ କାଣ୍ଡି କଂଗ୍ରେସ ହାଇକମାଣ୍ଡଙ୍କ ନିର୍ଦ୍ଦେଶ ବିଷୟରେ ସୂଚନା ଦେଇଥିଲେ। କଂଗ୍ରେସ ସହିତ ଟିଡିପି କେବଳ ଜାତୀୟ ରାଜନୀତିରେ ମେଣ୍ଟ କରିପାରେ। କିନ୍ତୁ ଆନ୍ଧ୍ରପ୍ରଦେଶରେ ବିଧାନସଭା ଓ ଲୋକସଭା ନିର୍ବାଚନରେ କଂଗ୍ରେସ ଏକାକୀ ଲଢ଼ିବାକୁ କଂଗ୍ରେସ ହାଇକମାଣ୍ଡ ଚାହୁଁଥିବା ଚାଣ୍ଡି କହିଥିଲେ। କଂଗ୍ରେସର ବରିଷ୍ଠ ନେତାଙ୍କ କହିବା ଅନୁଯାୟୀ, କେବଳ ରାହୁଲ ଗାନ୍ଧି ପ୍ରଧାନମନ୍ତ୍ରୀ ହେଲେ ହେଁ ଆନ୍ଧ୍ରପ୍ରଦେଶକୁ ସ୍ୱତନ୍ତ୍ର ପାହ୍ୟା ମାନ୍ୟତା ମିଳିପାରିବ। ରାହୁଲ ଗାନ୍ଧି ମଧ୍ୟ ଆନ୍ଧ୍ରପ୍ରଦେଶକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦେବା ପାଇଁ ସଂକଳ୍ପବଦ୍ଧ। ତେଣୁ ଆସନ୍ତା ଫେବୃଆରୀ ୧ ତାରିଖରୁ ଏହି ପ୍ରସଙ୍ଗ ସହାୟତାରେ କଂଗ୍ରେସ ରାଜ୍ୟରେ ପ୍ରଚାର ଆରମ୍ଭ କରିବ।