ଗୁଣପୁର : ପାଠ ପଢ଼ାଇବା ସମୟରେ ଅସଦାଚରଣ କରିଥିବା ଲିଖିତ ଅଭିଯୋଗ ଆଣିଛନ୍ତି କଲେଜ ଛାତ୍ରୀ । ରାୟଗଡା ଜିଲ୍ଲା ପଦ୍ମପୁର ଆରଜି ମହାବିଦ୍ୟାଳୟରୁ ଏଭଳି ଗୁରୁତର ଅଭିଯୋଗ ହୋଇଛି । ଶିକ୍ଷା ବର୍ଷ ଆରମ୍ଭରୁ ଜଣେ ଛାତ୍ରୀଙ୍କୁ ଅସଦାଚରଣ ନେଇ ପଦ୍ମପୁର ଥାନାରେ ମାମଲା ରୁଜୁ ହୋଇଛି। ଏନେଇ ପୁଲିସ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ ଗତ କିଛି ଦିନ ହେଲା ଆର୍ ଜି ମହାବିଦ୍ୟାଳୟର ଦ୍ବିତୀୟ ବର୍ଷ ବିଜ୍ଞାନ ଅଧ୍ୟାପକ ଜଣକ ପାଠ ପଢ଼ାଇବା ସମୟରେ ଛାତ୍ରୀଙ୍କୁ ଅସଦାଚରଣ କରୁଥିଲେ। ପାଠପଢା ସମୟରେ ଅଶ୍ଲୀଳ ଇଙ୍ଗିତ ସହ ଫୋନ୍ ନ କଲେ ପରୀକ୍ଷା ସମୟରେ ପ୍ରାକ୍ଟିକାଲରେ ମାର୍କ ମିଳିବନି ବୋଲି ଧମକଚମକ ଦେଇ ଛାତ୍ରୀଙ୍କୁ ନିର୍ଯାତନା ଦେଉଥିବା ଅଭିଯୋଗ ହୋଇଛି। ବାରମ୍ବାର ଏପରି ହେବାରୁ ଛାତ୍ରୀ ଜଣକ ମହାବିଦ୍ୟାଳୟ ଅଧ୍ୟକ୍ଷ ସୁବାସ ଚନ୍ଦ୍ର ସାହୁଙ୍କୁ ଲିଖିତ ଅଭିଯୋଗ କରିଥିଲେ। ପରେ ଅଧ୍ୟକ୍ଷ ଥାନାରେ ଅଭିଯୋଗ କରିଥିଲେ। ଆଜି ଗୁଣୁପୁର ପୁଲିସ ଏସଡିପିଓ ବାବୁଲି ନାୟକ କଲେଜ ଆସି ସମସ୍ତଙ୍କୁ ଏସମ୍ପର୍କରେ ପଚାରି ବୁଝିଥିଲେ । ଏହାସହ ଅଭିଯୋଗ ଦେଇଥିବା ଛାତ୍ରୀଙ୍କ ବୟାନ ପଦ୍ମପୁର କୋର୍ଟରେ ରେକର୍ଡ କରାଯାଇଛି। ଅନ୍ୟପଟେ ସେହି ଅଧ୍ୟାପକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବା ଉଚିତ ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ଚାଲିଛି ।
