ଭୁବନେଶ୍ୱର . – କଟକରେ ମହାନଦୀ ଶଯ୍ୟାକୁ ବସ୍ ଖସିପଡିବା ଘଟଣା । ଏଥିରେ ମୃତ୍ୟୁ ବରଣ କରିଥିବା ଲୋକଙ୍କର ନିକଟ ସମ୍ପର୍କୀୟମାନଙ୍କୁ ରାଜ୍ୟ ସରକାରଙ୍କ ପକ୍ଷରୁ ୨ ଲକ୍ଷ ଟଙ୍କା କ୍ଷତିପୂରଣ ରାଶି ଘୋଷଣା କରାଯାଇଛି । ସେହିପରି ଆହତ ହୋଇଥିବା ଲୋକମାନଙ୍କର ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ । କଟକ ଜଗତପୁରରେ ମହାନଦୀ ଉପରେ ଥିବା ପୋଲରେ ଏକ ମଇଁଷିକୁ ଧକ୍କା ଦେବା ପରେ ବସ୍ଟି ନଦୀ ଶଯ୍ୟାକୁ ଖସି ପଡିଥିଲା । ଏଥିରେ ୧୦ ଜଣ ଯାତ୍ରୀଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମୃତକମାନଙ୍କ ମଧ୍ୟରେ ୭ ଜଣ ପୁରୁଷ ଓ ୩ ଜଣ ମହିଳା ଥିବା ସୂଚନା ମିଳିଛି । ଏସ୍ସିବି ମେଡିକାଲ୍ରେ ୪୪ ଆହତଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ସୂଚନା ମିଳିଛି । ଏମାନଙ୍କ ମଧ୍ୟରେ ୪ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଏସ୍ସିବିର ଜରୁରୀକାଳୀନ ଅଧିକାରୀ ଭୂବନାନନ୍ଦ ମହାରଣା ସୂଚନା ଦେଇଛନ୍ତି ।
Popular Categories
Previous article
Next article