ଆପଣ ନିଶ୍ଚୟ ଅନେକ ପ୍ରକାରର ଲଡୁ ଖାଇଥିବେ। ଯେପରିକି ବୁନ୍ଦି, ମଇଦା, ବେସନ ଓ ନଡିଆ ଲଡୁ ଇତ୍ୟାଦି। କିନ୍ତୁ ଘରେ କେବେ ନଡ଼ିଆ ଲଡୁ ତିଆରି କରିଛନ୍ତି କି? ଆଜି ଆମେ ବତାଇବୁ ନଡ଼ିଆ ଲଡୁ ପ୍ରସ୍ତୁତ କରିବାର ସହଜ ଉପାୟ…ଯାହା ଲକଡାଉନରେ ଘରେ ରହିବା ସମୟରେ କାମରେ ଆସିବ।
ଆବଶ୍ୟକୀୟ ସାମଗ୍ରୀ ; ୨୫୦ ଗ୍ରାମ ନଡ଼ିଆ ପାଉଡର(କୋରା ନଡିଆକୁ ପେଷି ଦେବ), ଏକ ଛୋଟ କପ୍ କ୍ଷୀର, ୬ ଚାମଚ ଚିନି, ୨ ଚାମଚ ଘିଅ, ଏକ ଚାମଚ ଗୁଜୁରାତି ପାଉଡର।
ପ୍ରସ୍ତୁତ ପ୍ରଣାଳୀ : ପ୍ରଥମେ ଏକ ନଡ଼ିଆ ପାଉଡରକୁ ଏକ ପ୍ୟାନରେ ରଖନ୍ତୁ ଏବଂ ଏହାକୁ କିଛି ସେକେଣ୍ଡ ପାଇଁ ହାଲୁକା ଭାବରେ ଭାଜନ୍ତୁ। ଧ୍ୟନ ଦେବେ ଯେ ନଡ଼ିଆର ରଙ୍ଗ ଯେପରି ପରିବର୍ତ୍ତନ ନ ହୁଏ। ହାଲୁକା ଭାଜିବା ପରେ ଏଥିରେ କ୍ଷୀର ମିଶାନ୍ତୁ ଏବଂ ଘାଣ୍ଟନ୍ତୁ। କ୍ଷୀର ସମ୍ପୂର୍ଣ୍ଣ ଶୁଖିଯିବା ମାତ୍ରେ ଚିନି ମିଶାନ୍ତୁ। ଏହା ସମ୍ପୂର୍ଣ୍ଣ ଶୁଖିବା ପର୍ଯ୍ୟନ୍ତ ଏହାକୁ ଘାଣ୍ଟନ୍ତୁ। ଯେତେବେଳେ ପାଣି ଶୁଖିଯିବ, ସେଥିରେ ଘିଅ ଏବଂ ଗୁଜୁରାତି ପାଉଡର ମିଶାଇ ଭଲ ଭାବରେ ମିଶାଇ ଚୁଲା ବନ୍ଦ କରନ୍ତୁ। ଏହା ଥଣ୍ଡା ହୋଇଗଲେ, ଲଡୁ ତିଆରି କରନ୍ତୁ ଏବଂ ଏକ ଥାଳିରେ ରଖନ୍ତୁ। ହାତରେ ଓ ଥାଳିରେ ଘିଅ ଲଗାଇବା ଭୁଲନ୍ତୁ ନାହିଁ। ପ୍ରସ୍ତୁତ ହୋଇଗଲା ନଡ଼ିଆ ଲଡୁ।
