ପୁରୀ : ପୁରୀ ଶ୍ରୀଜଗନ୍ନାଥ ମନ୍ଦିର ଓ ବେଢ଼ା ପରିସରକୁ ସ୍ୱଚ୍ଛ ରଖିବା ପାଇଁ ଆଜିଠାରୁ ନିୟମ କଡ଼ାକଡ଼ି କରାଯାଇଛି। ଭକ୍ତ ହୁଅନ୍ତୁ ଅବା ସେବାୟତ, କେହି ବି ପାନ କିମ୍ବା ଗୁଟ୍ଖା ଖାଇ ମନ୍ଦିର ଭିତରକୁ ପ୍ରବେଶ କରିପାରିବେ ନାହିଁ। ସେଥିପାଇଁ ମନ୍ଦିର ପ୍ରଶାସନ ପକ୍ଷରୁ ୫ଶହ ଟଙ୍କା ଜୋରିମାନା ଧାର୍ଯ୍ୟ କରାଯାଇଛି। ଗତମାସ୨୯ ତାରିଖରେ ଶ୍ରୀମନ୍ଦିର ପରିଚାଳନା କମିଟି ବୈଠକରେ ଏହି ନିଷ୍ପତ୍ତି ଗ୍ରହଣ କରାଯାଇଥିଲା।
ଏହି ନିୟମ ଲାଗୁ ହେବାପରେ ଆଜି ପ୍ରଥମ ଦିନରେ ଚାରି ଜଣଙ୍କୁ ଧରାଯାଇ ଏକଶହ ଟଙ୍କା ଲେଖାଏଁ ଜୋରିମାନା ଆଦାୟ କରାଯାଇଛି ।
