ଚଣ୍ଡିଗଡ଼: ବଲିଉଡ ଅଭିନେତ୍ରୀ ତଥା ମଣ୍ଡିର ବିଜେପି ସାଂସଦ କଙ୍ଗନା ରାଣାୱତ ଖାଇଲେ ଚାପୁଡ଼ା। ଚଣ୍ଡିଗଡ଼ ବିମାନ ବନ୍ଦରରେ ଗୁରୁବାର ଅପରାହ୍ନରେ ଜଣେ ମହିଳା ସିଆଇଏସଏଫ ସୁରକ୍ଷା କର୍ମୀ କଙ୍ଗନାଙ୍କୁ ଚାପୁଡ଼ା ମାରିଥିବା ଅଭିଯୋଗ ହୋଇଛି। ଚାପୁଡ଼ା ମାରିଥିବା ଗାର୍ଡଙ୍କ ନାଁ କୁଲବିନ୍ଦର କୌର ବୋଲି ଜଣାପଡ଼ିଛି। ଏନେଇ କଙ୍ଗନା ସୁରକ୍ଷା କର୍ମୀଙ୍କ ବିରୋଧରେ ଅଭିଯୋଗ ଆଣି କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି। କୁହାଯାଉଛି ଯେ, କୃଷକଙ୍କ ସମ୍ପର୍କରେ କଙ୍ଗନାଙ୍କ ବୟାନକୁ ନେଇ କୁଲବିନ୍ଦର କୌର ତାଙ୍କ ଉପରେ ରାଗିଥିଲେ।
#BREAKING: Actor and India’s Member of Parliament Kangana Ranaut slapped by CISF constable Kulwinder Kaur at Chandigarh airport around 3:20pm today. Constable Kaur was reportedly upset with Kangana's comments on farmers’ protest. pic.twitter.com/kxwxHgV2Az
— Aditya Raj Kaul (@AdityaRajKaul) June 6, 2024
ସୂଚନା ଅନୁସାରେ, କଙ୍ଗନା ଚଣ୍ଡିଗଡ଼ରୁ ଦିଲ୍ଲୀ ଯିବା ପାଇଁ ଶହୀଦ ଭଗତ ସିଂହ ଅନ୍ତର୍ଜାତୀୟ ବିମାନ ବନ୍ଦରରେ ସିକ୍ୟୁରିଟି ଯାଞ୍ଚ ପାଇଁ ଯାଇଥିବାବେଳେ ସିଆଇଏସଏଫ ଗାର୍ଡ ଜଣକ ତାଙ୍କୁ କହିଥିଲେ ଯେ, ମାଡାମ୍ ଆପଣ ବିଜେପିରୁ ଜିତିଛନ୍ତି। ଆପଣଙ୍କ ଦଳ କୃଷକମାନଙ୍କ ପାଇଁ କାହିଁକି କିଛି କରୁନାହିଁ। ଏହାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଏହାପରେ ସିଆଇଏସଏଫ ଗାର୍ଡ଼ କଙ୍ଗନାଙ୍କୁ ଚାପୁଡ଼ା ମାରିଥିବା ଅଭିଯୋଗ ହୋଇଛି।
