ସିନେ ପ୍ରେମୀଙ୍କ ପାଇଁ ଖୁସି ଖବର ; ଭାଲେଣ୍ଟାଇନ୍ ଓ୍ବିକରେ ପରଦାକୁ ଆସିବ “ଆଶିକ୍ ସରେଣ୍ଡର ହେଲା”

ଭୁବନେଶ୍ବର : ଭାଲେଣ୍ଟାଇନ୍ ଓ୍ବିକରେ ଓଡିଆ ସିନେ ପ୍ରେମୀଙ୍କ ପାଇଁ ବିଶ୍ୱାସ ପ୍ରଡକସନ୍ସ ଖୁସି ଖବର ଆଣିଦେଇଛି । ପ୍ରେମୀ ଯୁଗଳଙ୍କ ଭାଲେଣ୍ଟାଇନ୍ ହେବ ଉତ୍ସବ ମୁଖର । ଓଡ଼ିଆ ଫିଲ୍ମ “ଆଶିକ୍ ସରେଣ୍ଡର ହେଲା” ଖୁବ୍ ଶୀଘ୍ର ପରଦାକୁ ଆସିବ ତାହା ପୁଣି ଭଲେଣ୍ଟାଇନ୍ ଓ୍ବିକରେ ।

ସିନେମାର କାହାଣୀ ସମ୍ପୂର୍ଣ୍ଣ ପ୍ରେମ କାହାଣୀ ଉପରେ ଆଧାରିତ ହୋଇଥିବା ବେଳେ ଭାଲେଣ୍ଟାଇନ ୱିକରେ ରିଲିଜ୍ ହେବ ବୋଲି ସୋମବାର ଦିନ ପ୍ରେସ୍ କ୍ଲବ୍ ଠାରେ ଟ୍ରେଲର ରିଲିଜ ଉତ୍ସବରେ ଫିଲ୍ମର ନିର୍ମାତା ରାଜା ଡି ପ୍ରକାଶ କରିଛନ୍ତି । ପ୍ରେମ୍ ଆନନ୍ଦଙ୍କ ସଂଗୀତ ନିର୍ଦ୍ଦେଶନାରେ ସିନେମାର ସମସ୍ତ ଗୀତ ବେଶ୍ ହୃଦୟସ୍ପର୍ଶୀ ହୋଇପାରିଛି ।

ସିନେମାରେ ଷ୍ଟାରକାଷ୍ଟରେ ରହିଛନ୍ତି ସମ୍ଭବ ମାନସିଂହ, ଜୟା ବିଶ୍ଵାସ, ପିୟାଲୀ, ମନୋଜ ମିଶ୍ର, ମିହିର ଦାସ, ବଣ୍ଟି ଅନୁଗୁଳିଆ, ଅଶୋକ ଦାସ, ପ୍ରତିଭା ପଣ୍ଡା, ମଞ୍ଜୁଲତା, ପ୍ରଣବ, ଦେବ। ମାନସ ପଢ଼ିଆରୀ ସଂଳାପ ରଚନା କରିଥିବା ବେଳେ ଗୀତ ରଚନାର ଭାର ସମ୍ଭାଳିଛନ୍ତି ବସନ୍ତରାଜ ସାମଲ ଓ ସୁବ୍ରତ । ଗୀତ ଗୁଡିକରେ ଅନନ୍ୟା, ହ୍ୟୁମାନ ସାଗର, ଦିପ୍ତିରେଖା, ସବିଶେଷ, ଆଶୁତୋଷ, ସତ୍ୟଜିତ କଣ୍ଠଦାନ କରିଛନ୍ତି। ଭାଲେଣ୍ଟାଇନ ୱିକ ଅର୍ଥାତ୍ ଫେବୃଆରୀ ୯ରେ ଦର୍ଶକ ଏହାର ଭରପୂର ମଜା ଉଠାଇବେ ବୋଲି ପ୍ରଯୋଜନା ସଂସ୍ଥା ସୂତ୍ରରୁ ସୂଚନା ପ୍ରଦାନ କରାଯାଇଛି ।