ଛତିଶଗଡ : ଛତିଶଗଡର ଗରିଆବନ୍ଦ ଜିଲାରୁ ଏଭଳି ଏକ ଘଟଣା ସାମ୍ନାକୁ ଆସିଛି,ଯାହା ହଇଚଇ ସୃଷ୍ଟି କରିଛି । ରାସନ୍ ଦୋକାନରେ ହଠାତ୍ ବଡ ଧରଣର ହଙ୍ଗାମା ଦେଖାଯାଇଥିଲା । ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ଧୈର୍ଯ୍ୟ ହରା ହୋଇ ଲୋକେ ବନ୍ଦ ଥିବା ଗେଟ୍କୁ ଭାଙ୍ଗି ଭିତରେ ପ୍ରବେଶ କରିଥିଲେ । ଗତ ୩ ମାସ ହେବ ରାସନରେ ଚାଉଳ ନମିଳିଥିବାରୁ, ୩ ମାସର ରାସନ ମିଳିବାର ଖବର ପାଇବା ପରେ ପ୍ରବଳ ଭିଡ ଜମିଥିଲା । ଫଳରେ ଲୋକେ ଏକାଠି ଗେଟ୍ ଭାଙ୍ଗି ଅନିୟନ୍ତ୍ରିତ ହୋଇ ଭିତରେ ପଶିଥିଲେ । ରାସନ ପାଇଁ ଦୌଡାଦୌଡି ହେବା ସହ ଅନେକ ମହିଳା, ବୟସ୍କା ଓ ଶିଶୁ ତଳେ ପଡିଯାଇଥିଲେ । କିଛି ସାମାନ୍ୟ ଆହତ ମଧ୍ୟ ହୋଇଛନ୍ତି । କୁହାଯାଉଛି ଯେ ସର୍ଭର ବିଫଳତା, ଫିଙ୍ଗରପ୍ରିଣ୍ଟ ମିସମେଜ୍ ଏବଂ ଓଟିପି ସମସ୍ୟା ଭଳି ଯାନ୍ତ୍ରିକ ତ୍ରୁଟି ପ୍ରକ୍ରିୟାକୁ ଗୁରୁତର ଭାବରେ ଧୀର କରିଦେଇଛି। ପରିସ୍ଥିତି ନିୟନ୍ତ୍ରଣ ବାହାରକୁ ହେବା ମାତ୍ରେ ପୁଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଥିଲା । ଅନେକ ଦୋକାନରେ ସମାନ ବିଶୃଙ୍ଖଳା ଦେଖିବାକୁ ମିଳିଥିଲା। ଏହି ପ୍ରସଙ୍ଗରେ ପ୍ରଶାସନକୁ ପଚରାଯିବାରୁ ସେମାନେ କହିଥିଲେ ଯେ ସେମାନେ ଏହି ଘଟଣାର ତଦନ୍ତ କରିବେ ଏବଂ ଦୋଷୀମାନଙ୍କୁ ଛଡ଼ାଯିବ ନାହିଁ।
ଇରାନ୍-ଇସ୍ରାଏଲ ଯୁଦ୍ଧ ; ଇସ୍ରାଏଲ୍କୁ କ୍ଷମା କରାଯିବା ନାହିଁ- ଖାମନେଇ
