କଲମ୍ବୋ : ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ଦୁଇଟିକିଆ ଟେଷ୍ଟ ସିରିଜ ନିମନ୍ତେ ଘରୋଇ ଶ୍ରୀଲଙ୍କା କ୍ରିକେଟ ବୋର୍ଡ ପକ୍ଷରୁ ୧୭ ଜଣିଆ ଦଳ ଘୋଷଣା କରାଯାଇଥିବାବେଳେ ଦିନେଶ ଚାନ୍ଦିମାଲଙ୍କୁ ଅଧିନାୟକ ପଦ ଓ ଦଳରୁ ହଟାଇ ଦିଆଯାଇଛି। ତାଙ୍କ ସ୍ଥାନରେ ଦିମୁଥ୍ କରୁଣାରତ୍ନେ ଶ୍ରୀଲଙ୍କା ଦଳର ନେତୃତ୍ବ ନେବେ ବୋଲି ଜଣାପଡିଛି। ଏପରିକି ଖରାପ ଫର୍ମ ଯୋଗୁଁ ଚାନ୍ଦିମାଲଙ୍କୁ ୧୭ ଜଣିଆ ଟେଷ୍ଟ ଦଳରେ ମଧ୍ୟ ସ୍ଥାନ ମିଳିନାହିଁ। ଚାନ୍ଦିମାଲଙ୍କ ନେତୃତ୍ବରେ ଶ୍ରୀଲଙ୍କା ଟେଷ୍ଟ ଦଳ ନିକଟରେ ଅଷ୍ଟ୍ରେଲିଆ ନିକଟରୁ ୦-୨ରେ ପରାସ୍ତ ହୋଇଥିବାବେଳେ ପୂର୍ବରୁ ଇଂଲଣ୍ଡ ଓ ନ୍ୟୁଜିଲାଣ୍ଡ ନିକଟରୁ ଯଥାକ୍ରମେ ୦-୩ ଓ ୦-୧ରେ ପରାଜୟ ବରଣ କରିସାରିଛି। ଘୋଷିତ ଟେଷ୍ଟ ଦଳ: ଦିମୁଥ୍ କରୁଣାରତ୍ନେ (ଅଧିନାୟକ), ନିରୋସାନ ଡିକ୍ୱେଲା (ଉପ ଅଧିନାୟକ), ଲାହିରୁ ଥିରିମାନେ, କୌଶଲ ସିଲଭା, କୁଶଲ ମେଣ୍ଡିସ, କୁଶଲ ପରେରା, ମିଲିନ୍ଦା ସିରିବର୍ଦ୍ଧନା, ଧନଞ୍ଜୟ ଡି’ ସିଲଭା, ଓସାଦା ଫର୍ଣ୍ଣାଣ୍ଡୋ, ଆଞ୍ଜେଲୋ ପରେରା, ସୁରଙ୍ଗା ଲାକ୍ମଲ, କାସୁନ ରଜିଥା, ବିଶ୍ବ ଫର୍ଣ୍ଣାଣ୍ଡୋ, ଚାମିକା କରୁଣାରତ୍ନେ, ମହମ୍ମଦ ସିରାଜ, ଲକ୍ଷଣ ସନ୍ଦାକନ ଓ ଲସିଥ୍ ଏମ୍ବୁଲଡେନିୟା।
