ସମାଜ ଡିଜିଟାଲ ଡେସ୍କ: ୨୦୨୫-୨୬ ବର୍ଷ ପାଇଁ ରବି ଫସଲରେ ଉତ୍ପାଦିତ ହେବାକୁ ଥିବା ଖାଦ୍ୟଶସ୍ୟ ଲାଗି କେନ୍ଦ୍ର ସରକାର ସର୍ବନିମ୍ନ ସହାୟକ ମୂଲ୍ୟ(ଏମଏସପି) ବୃଦ୍ଧି କରିଛନ୍ତି। ମୋଟ ୬ଟି ରବି ଫସଲ ପାଇଁ ଏମଏସପି ବୃଦ୍ଧି ହୋଇଛି। ଗହମ କୁଇଣ୍ଟାଲ ପିଛା ସରକାର ୧୫୦ ଟଙ୍କା ବଢ଼ାଇଥିବାବେଳେ ବାଜରାରେ ୧୩୦ ଟଙ୍କା ବୃଦ୍ଧି କରାଯାଇଛି। ସେହିପରି ସୋରିଷ ମୂଲ୍ୟ କୁଇଣ୍ଟାଲ ପିଛା ୩୦୦ ଟଙ୍କା ବୃଦ୍ଧି ହୋଇଛି। ଗହମ କୁଇଣ୍ଟାଲ ପୂର୍ବରୁ ୨୨୭୫ ଟଙ୍କା ଥିବାବେଳେ ବର୍ତ୍ତମାନ ତାହାକୁ ୨୪୨୫ ଟଙ୍କାକୁ ବୃଦ୍ଧି କରାଯାଇଛି। ଏହାବ୍ୟତୀତ ମସୁର ଡାଲି, ବୁଟ ଏବଂ କୁଙ୍କୁମ ଫୁଲର ଏମଏସପି ୨.୪୧ ପ୍ରତିଶତରୁ ୭.୦୩ ପ୍ରତିଶତ ମଧ୍ୟରେ ବୃଦ୍ଧି ପାଇଛି। ବୁଧବାର ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଏହାକୁ ଅନୁମୋଦନ ମିଳିଛି।
Popular Categories
Previous article
Next article