କେନ୍ଦ୍ରାପଡା: କେନ୍ଦ୍ରାପଡାରେ ଦିନକୁ ଦିନ ବଢିଚାଲିଛି ଅପରାଧ। ଅପରାଧ ଓ ଅପରାଧୀକୁ ରୋକ ଲଗାଇବାରେ ବିଫଳ ହୋଇଛି କେନ୍ଦ୍ରାପଡା ପୁଲିସ। ବିଗତ ଦିନ ମାନଙ୍କରେ କେନ୍ଦ୍ରାପଡାରେ ବଢି ଚାଲିଥିବା ଅପରାଧକୁ ନିୟନ୍ତ୍ରଣ କରିବା ପାଇଁ କେନ୍ଦ୍ରାପଡା ପୁଲିସ ସହରର ୧୨ଟି ଗୁରୁତ୍ୱପୂର୍ଣ୍ଣ ସ୍ଥାନରେ ୩୬ଟି ସିସିଟିଭି ଲଗାଇବାର ବ୍ୟବସ୍ଥା କରୁଛି। ଯାହା ଦ୍ୱାରା ଅପରାଧ ନିୟନ୍ତ୍ରଣ ସହ ଅପରାଧକରୀ ଖସି ଯାଉଥିବା ଅପରାଧୀଙ୍କ ଉପରେ ନଜର ରଖିପାରିବ କେନ୍ଦ୍ରାପଡା ପୁଲିସ। କେନ୍ଦ୍ରାପଡା ସହରର ପ୍ରବେଶ ଦ୍ୱାର ତିନିମୁହାଣୀ ଛକ,ବସଷ୍ଟାଣ୍ଡ,ବାଲବାବା ଛକ,ବଡହାଟ,ପୁରୁଣା ବସଷ୍ଟାଣ୍ଡ,କଲେଜ ଛକ, ଦୁହୁରିଆ ଆଦି ସ୍ଥାନରେ ସିସିଟିଭି ଲାଗିବ ବୋଲି କେନ୍ଦ୍ରାପଡା ଏସପି ନୀତି ଶେଖର ସୂଚନା ଦେଇଛନ୍ତି। ଏଠାରେ ସୂଚନାଯୋଗ୍ୟ ବିଗତ ଦିନ ମାନଙ୍କରେ ସହରରେ ବଢିଚାଲିଥବା ଅପରାଧର ପରିମାଣରକୁ ନଜରରେ ରଖି ଏବଂ ପାଖେଇ ଆସୁଥିବା କେନ୍ଦ୍ରାପଡାର ପ୍ରସିଦ୍ଧ ଗଜଲକ୍ଷ୍ମୀ ପୂଜା ସମୟରେ ଯେପରି କିଛି ଅଘଟଣ ନଘଟୁ ସେଥିପାଇଁ ତିତ୍ପରତା ଦେଖାଇଛି କେନ୍ଦ୍ରାପଡା ପୁଲିସ।ଅପରାଧ ନିୟନ୍ତ୍ରଣ ଓ ଅସାମାଜିକ ବ୍ୟକ୍ତିଙ୍କ କାର୍ୟ୍ୟ କଳାପ ଉପରେ ନଜର ରଖିବା ପାଇଁ ଏହି ସିସି କ୍ୟାମେରା ବେଶ ସହାୟକ ହେବ। ବିଶେଷ କରି ରାସ୍ତାରେ ଟ୍ରାଫିକ ସମସ୍ୟା ସୃଷ୍ଟି କରୁଥିବା ଯୁବକ ଓ ନିଶାସକ୍ତ ବ୍ୟକ୍ତିଙ୍କୁ ଚିହ୍ନଟ କରିବା ପାଇଁ ମଧ୍ୟ ଏହା ସହଜ ହେବ। ଆସନ୍ତା ଗଜଲକ୍ଷ୍ମୀ ପୂଜା ପୂର୍ବରୁ ଏହି ସିସିଟିଭି କାର୍ଯ୍ୟକ୍ଷମ କରିବାନେଇ କାର୍ଯ୍ୟକରାଯାଉଥିବା ଏସପି ସୂଚନା ଦେଇଛନ୍ତି।
Popular Categories
Previous article
Next article