ନୂଆଦିଲ୍ଲୀ: ଦେଶର ସବୁଠାରୁ ବଡ଼ ତଦନ୍ତକାରୀ ସଂସ୍ଥା ଏବେ ତଦନ୍ତର ସମ୍ମୁଖୀନ ହୋଇଛି। ସିବିଆଇର ବରିଷ୍ଠ ଅଧିକାରୀଙ୍କ ନାମରେ ହୋଇଥିବା ଲାଞ୍ଚ ଅଭିଯୋଗର ତଦନ୍ତ କରୁଛି ସିଭିସି। ସୋମବାର ଉକ୍ତ ମାମଲାର ଶୁଣାଣି ସୁପ୍ରିମ କୋର୍ଟରେ ହେବାକୁ ଥିଲା। ସିଭିସି ଦ୍ୱାରା ୨ଟି ପୃଥକ ପୃଥକ ରିପୋର୍ଟ ସୁପ୍ରିମ କୋର୍ଟରେ ଦାଖଲ କରାଯିବା ପରେ ପରବର୍ତ୍ତୀ ଶୁଣାଣି ଶୁକ୍ରବାର କରିବାକୁ କୋର୍ଟ ଧାର୍ଯ୍ୟ କରିଛି। ସିଭିସିର ଗୋଟିଏ ରିପୋର୍ଟ ଅଭିଯୋଗ ସମ୍ପର୍କିତ ତଦନ୍ତ ରିପୋର୍ଟ ହୋଇଥିବାବେଳେ ଅନ୍ୟ ରିପୋର୍ଟରେ କାର୍ଯ୍ୟକାରୀ ନିର୍ଦେଶକ ନାଗେଶ୍ୱର ରାଓଙ୍କ ଦ୍ୱାରା ଇତିମଧ୍ୟରେ ନିଆ ଯାଇଥିବା ନିଷ୍ପତ୍ତିର ବିସ୍ତୃତ ବିବରଣୀ ପ୍ରଦାନ କରାଯାଇଛି।
ସିବିଆଇର ଉଭୟ ନିର୍ଦେଶକ ଆଲୋକ ବର୍ମା ଓ ରାକେଶ ଆସ୍ଥାନାଙ୍କୁ ପୃଥକ ପୃଥକ ଭାବେ ସିଭିସି ଜେରା କରିବା ପରେ ଉକ୍ତ ରିପୋର୍ଟ ପ୍ରସ୍ତୁତ କରିଛି। ଉଭୟଙ୍କ ନାମରେ ହୋଇଥିବା ଅଭିଯୋଗକୁ ବରିଷ୍ଠ ଅଧିକାରୀ ଅସ୍ୱୀକାର କରିଛନ୍ତି। ସିଭିସିର ଏହି ତଦନ୍ତର ନେତୃତ୍ୱ ସୁପ୍ରିମ କୋର୍ଟର ଅବସରପ୍ରାପ୍ତ ଜଷ୍ଟିସ ଏ କେ ପଟ୍ଟନାୟକ କରିଥିଲେ।
ତଦନ୍ତରେ ସ୍ୱଚ୍ଛତାକୁ ଦୃଷ୍ଟିରେ ରଖି ରାକେଶ ଆସ୍ଥାନା ଓ ଆଲୋକ ବର୍ମାଙ୍କୁ ୨୩ଅକ୍ଟୋବର ଦିନ ଅନିଦ୍ଦିଷ୍ଟକାଳ ପାଇଁ ଛୁଟିରେ ପଠାଇ ଦିଆଯାଇଛି।
ସିବିଆଇ ଲାଞ୍ଚ ମାମଲା: ସୁପ୍ରିମ କୋର୍ଟରେ ରିପୋର୍ଟ ଦାଖଲ କଲା ସିଭିସି
Popular Categories
Previous article
Next article