ଉତ୍ତର ପ୍ରଦେଶ: ଉତ୍ତର ପ୍ରଦେଶର ମୈନପୁରୀ ଅଞ୍ଚଳରେ ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଏକ ଯାତ୍ରୀବାହୀ ବସରେ ନିଆଁ ଲାଗିଯାଇଛି। ଫଳରେ ବସ୍ରେ ଯାତ୍ରା କରୁଥିବା ୪ଜଣ ଯାତ୍ରୀ ଜୀବନ୍ତ ଦଗ୍ଧ ହୋଇଯାଇଛନ୍ତି। ଅନ୍ୟ ଜଣେ ଯାତ୍ରୀ ଗୁରୁତର ଆହତ ହୋଇଛନ୍ତି। ରବିବାର ବିଳମ୍ବିତ ରାତିରେ ଏହି ଘଟଣା ଘଟିଛି।
ଦିଲ୍ଲୀର ଆନନ୍ଦବିହାର ଅଞ୍ଚଳରୁ ବସ୍ଟି ଲକ୍ଷ୍ନୌ ଆସୁଥିଲା। ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେର କରହଲ ଥାନା ଅନ୍ତର୍ଗତ ମୀଠେପୁର ନିକଟରେ ବସ୍ଟି ରାସ୍ତାର ଡିଭାଇଡରକୁ ଧକ୍କା ଦେଇଥିଲା। ଏହାପରେ ବସ୍ଟିରେ ନିଆଁ ଲାଗିଯାଇଥିଲା। କିଛି କ୍ଷଣମଧ୍ୟରେ ସମ୍ପୂର୍ଣ୍ଣ ବସଟି ଜଳିଯାଇଥିଲା। ବସ୍ରେ ଥିବା ୪ ଜଣଙ୍କର ମୃତ୍ୟୁ ଘଟିଥିଲା। ଅନ୍ୟ ଜଣେ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଖବରପାଇ ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ବସ୍ରେ କେତେ ଯାତ୍ରୀ ଥିଲେ ସେ ସମ୍ପର୍କରେ ସୂଚନା ମିଳିନାହିଁ।
