ବୁର୍ଲା: ବରଗଡ଼ ବିଶ୍ବ ପ୍ରସିଦ୍ଧ ଧନୁଯାତ୍ରା ଦେଖିବାକୁ ଆସି ଗତ ରବିବାର ଦିନ ଜନୈକ ଯୁବତୀ ନିଖୋଜ ହୋଇଥିବାବେଳେ ପ୍ରାୟ ୪୮ ଘଣ୍ଟା ପରେ ବରଗଡ଼ କୁର୍ଲା ଜଙ୍ଗଲରେ ମୁମୂର୍ଷୁ ଅବସ୍ଥାରେ ଯୁବତୀ ଜଣକୁ ଉଦ୍ଧାର କରାଯାଇଥିଲା। ପରେ ତାଙ୍କୁ ଉଚ୍ଚଚିକିତ୍ସା ପାଇଁ ଭିମସାର ମେଡିକାଲକୁ ଅଣାଯାଇ ଚିକିତ୍ସିତ କରାଯାଉଛି। ଏନେଇ ପଶ୍ଚିମ ଓଡ଼ିଶା ଦଳିତ ସୁରକ୍ଷା ପରିଷଦ ପକ୍ଷରୁ ଏକ ପ୍ରତିନିଧି ଦଳ ଭିମସାରକୁ ଯାଇ ଯୁବତୀଙ୍କୁ ସାକ୍ଷାତ କରି ତାଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି। ପଶ୍ଚିମ ଓଡ଼ିଶା ସୁରକ୍ଷା ପରିଷଦର ଅଧ୍ୟକ୍ଷ ନିହାଲ ସିଂଙ୍କ ନେତୃତ୍ବରେ ଉପାଧ୍ୟକ୍ଷ ମେଘନାଦ ପ୍ରଧାନ(ଲୁଲୁ), ପ୍ରସିଦ୍ଧ କଣ୍ଠଶିଳ୍ପୀ ଶତୃଘ୍ନ ଲୁହା, ସମାଜସେବୀ ସନ୍ତୋସିନୀ ସାହୁ ପ୍ରମୁଖ ଭିମସାର ମେଡିକାଲକୁ ଯାଇ ପୀଡିତାଙ୍କୁ ଚିକିତ୍ସା କରୁଥିବା ଡାକ୍ତର ମଳୟ ନାୟକଙ୍କ ସହ ଆଲୋଚନା କରିଛନ୍ତି। ତେବେ ଯୁବତୀଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଥିବା ଡାକ୍ତର କହିଛନ୍ତି। ଏଥିସହ ପୀଡ଼ିତାଙ୍କ ପରିବାର ସହ ମଧ୍ୟ ପରିଷଦର ସଭ୍ୟମାନେ ଆଲୋଚନା କରି ପରିଷଦର ଉପାଧ୍ୟକ୍ଷ ମେଘନାଦ ପ୍ରଧାନ ଯୁବତୀଙ୍କୁ କିଛି ଆର୍ଥିକ ସହାୟତା ପ୍ରଦାନ କରିଛନ୍ତି। ପୀଡିତାଙ୍କ ମାମଲାରେ ବରଗଡ଼ ଜିଲାର ପୁଲିସ ପ୍ରଶାସନ ଓ ଜିଲା ପ୍ରଶାସନ ସମଗ୍ର ଘଟଣାର ଉଚ୍ଚସ୍ତରୀୟ ତଦନ୍ତ କରି ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ କରିବାକୁ ପଶ୍ଚିମ ଓଡ଼ିଶା ଦଳିତ ସୁରକ୍ଷା ପରିଷଦ ପକ୍ଷରୁ ଦାବି କରାଯାଇଛି।
Popular Categories
Previous article
Next article