ମୁମ୍ବଇ : ଆର୍ଥିକ ଏବଂ ଫାର୍ମା କ୍ଷେତ୍ରର ଷ୍ଟକର ପ୍ରଦର୍ଶନ ଦୁର୍ବଳ ରହିବାର ପ୍ରଭାବ ଆଜି ଘରୋଇ ପୁଞ୍ଜିବଜାର ଉପରେ ପଡିଛି। ଏହା ଫଳରେ ସୋମବାର ବମ୍ବେ ଷ୍ଟକ ଏକ୍ସଚେଞ୍ଜ (ବିଏସ୍ଇ) ସେନ୍ସେକ୍ସରେ ୩୬୯ ପଏଣ୍ଟ ହ୍ରାସ ଘଟିଛି। ଆଜି କାରବାର ଶେଷ ବେଳକୁ ବମ୍ବେ ଷ୍ଟକ ଏକ୍ସଚେଞ୍ଜ (ବିଏସ୍ଇ) ସେନ୍ସେକ୍ସରେ ୩୬୯ ପଏଣ୍ଟ ଅର୍ଥାତ୍ ୧.୦୨% ହ୍ରାସ ଘଟି ୩୫,୬୫୭ ପଏଣ୍ଟରେ ବନ୍ଦ ହୋଇଛି। ସେହିପରି ସୋମବାର ନ୍ୟାସନାଲ ଷ୍ଟକ ଏକ୍ସଚେଞ୍ଜ ନିଫ୍ଟିରେ ୧୧୯ ପଏଣ୍ଟ ହ୍ରାସ ଘଟି
୧୦,୬୬୨ ପଏଣ୍ଟରେ ବନ୍ଦ ହୋଇଥିଲା। ସୋମବାର କାରବାରରେ ଆର୍ଥିକ, ବ୍ୟାଙ୍କିଙ୍ଗ୍ ଏବଂ ଫାର୍ମା ଆଦି କ୍ଷେତ୍ରର ସେୟାର ମୂଲ୍ୟରେ ଅଧିକ ହ୍ରାସ ପରିଲକ୍ଷିତ ହୋଇଥିଲା। ଏହାଛଡା ଆମେରିକା-ଚାଇନା ମଧ୍ୟରେ ବାଣିଜ୍ୟ ପ୍ରସଙ୍ଗରେ ହେବାକୁ ଥିବା ଉଚ୍ଚସ୍ତରୀୟ ଆଲୋଚନା ନେଇ ନିବେଶକଙ୍କ ମଧ୍ୟରେ ଅନିଶ୍ଚିତତା ଜାରି ରହିବା କାରବାରକୁ ବେଶ ପ୍ରଭାବିତ କରିଥିଲା। ଆଜି ଏସୀୟ ସମେତ ୟୁରୋପୀୟ ପୁଞ୍ଜି ବଜାର କାରବାରରେ ହ୍ରାସ ଘଟିଛି।
