ଗୋପାଳପୁର : ବ୍ରହ୍ମପୁର ବିଶ୍ବବିଦ୍ୟାଳୟ କ୍ରୀଡ଼ା ପରିଷଦ ପକ୍ଷରୁ ପଞ୍ଜାବ ସ୍ଥିତ ଲୋଭଲି ପ୍ରଫେସନାଲ ୟୁନିଭରସିଟିଠାରେ ଚଳିତ ମାସ ୨୦ ଓ ୨୧ ତାରିଖରେ ଅନୁଷ୍ଠିତ ଉତ୍ତର-ପୂର୍ବାଞ୍ଚଳ ଅନ୍ତଃ ବିଶ୍ବବିଦ୍ୟାଳୟ ଭାର ଉତ୍ତୋଳନ ମହିଳା ପ୍ରତିଯୋଗିତାରେ ବ୍ରହ୍ମପୁର ବିଶ୍ବବିଦ୍ୟାଳୟ ରୌପ୍ୟ ପଦକ ହାସଲ କରିଛି l ବ୍ରହ୍ମପୁର ବିଶ୍ବବିଦ୍ୟାଳୟ ପକ୍ଷରୁ ବାଲିପଦର ଆଞ୍ଚଳିକ ବିଜ୍ଞାନ ମହାବିଦ୍ୟାଳୟର ରିଙ୍କି ନାୟକ ୪୫ କେ.ଜି ବର୍ଗରେ ଭାଗ ନେଇଥିଲେ l ସେ ସ୍ନ୍ନlଚ ରେ ୬୩ କେ. ଜି ଏବଂ ଜାର୍କରେ ୮୧ କେ. ଜି ମୋଟ ୧୪୪ କେ. ଜି ଭାର ଉତ୍ତୋଳନ କରି ଦ୍ୱିତୀୟ ସ୍ଥାନ ଅଧିକାର କରି ରୌପ୍ୟ ପଦକ ହାସଲ କରିଥିବା କ୍ରୀଡ଼ା ପରିଷଦ ପକ୍ଷରୁ ସୂଚନା ମିଳିଛି l ମେନେଜର ବନିତା ଘଡେଇ, କୋଚ ଦାମିନୀ କୁମାରୀ ସାହୁ କ୍ରୀଡ଼ା ପରିଷଦକୁ ସୂଚନା ଦେଇଥିବା ଜଣାପଡିଛି l ପଦକ ହାସଲ କରିଥିବାରୁ କ୍ରୀଡ଼ା ପରିଷଦ ପକ୍ଷରୁ କୁଳପତି ପ୍ରଫେସର ଗୀତାଞ୍ଜଳି ଦାଶ,କ୍ରୀଡ଼ା ପରିଷଦ ସମ୍ପାଦକ ଡ.ସାରଦା ପ୍ରସାଦ ସାହୁ,ରାଜେଶ ମହାନ୍ତି, ରବି ଚରଣ ମିଶ୍ର ପ୍ରମୁଖ ଶୁଭେଚ୍ଛା ଜଣାଇଛନ୍ତି।
Popular Categories
Previous article
Next article