ବୌଦ୍ଧ : ଆସନ୍ତା ଅକ୍ଟୋବର ମାସରେ କରୋନାର ତୃତୀୟ ତରଙ୍ଗ ଆସୁଥିବାର ବିଶେଷଜ୍ଞମାନେ ମତାମତ ପ୍ରଦାନ କରିବା ପରେ ଏହାର ମୁକାବିଲା ନିମନ୍ତେ ପୁର୍ବ ପ୍ରସ୍ତୁତି ନିମନ୍ତେ ଶିଶୁ ବିଦ୍ୟା ମନ୍ଦିର ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ପଶ୍ଚିମ ପ୍ରାନ୍ତର ମୁଖ୍ୟ ବିଷ୍ଣୁଭାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବୌଦ୍ଧଜିଲ୍ଲାର ବିଭିନ୍ନ ଧାର୍ମିକ ଓ ସାମାଜିକ ଅନୁଷ୍ଠାନର କାର୍ଯ୍ୟକର୍ତାମାନେ ଯୋଗଦାନ କରିଥିଲେ। ପ୍ରଥମ ତରଙ୍ଗ କୋଭିଡ ସମୟରେ ବିଶ୍ୱରେ ଆତଙ୍କ ଦେଖାଦେଇଥିବା ବେଳେ ସଚେତନା ମାଧ୍ୟମରେ ଦ୍ୱିତୀୟ ତରଙ୍ଗ ଭୟାନକ ପରିସ୍ଥିତର ମୁକାବିଲା କରାଯାଇ ପାରିଛି। ବର୍ତମାନ ଆସନ୍ତା ଅକ୍ଟୋବର ମାସରେ ତୃତୀୟ ତରଙ୍ଗ ଆସିବାର ସମ୍ଭାବନା ଦେଖାଦେଇଥିବା ଜଣାପଡିଛି। ଏହାର ମୁକାବିଲା ପାଇଁ ଆମେ ପ୍ରସ୍ତୁତ ରହିବା ସହିତ ଜନସାଧାରଣଙ୍କୁ ଏବେଠାରୁ ସଚେତନତାର ବାର୍ତା ପହଂଚାଇବାର ଆବଶ୍ୟକତା ଦେଖାଦେଇଛି। ଏଥିପାଇଁ ଏକ ପରିଚାଳନା କମିଟି ଗଠନ କରାଯାଇ ବିଭିନ୍ନ କାର୍ଯ୍ୟକ୍ରମ ହାତକୁ ନେବାପାଇଁ ଆଲୋଚନା କରାଯାଇଥିଲା। ଏହି ବୈଠକରେ ପତଞ୍ଜଳି ଯୋଗ ସମିତି, ଗାୟତ୍ରୀ ପରିବାର, ଭାରତ ସ୍ୱାଭିମାନ ଟ୍ରଷ୍ଟ, ମାରଓ୍ୟାଡି ଯୁବା ମଂଚ, ଶ୍ରୀଜଗନ୍ନାଥ ଚେତନା ସେବା ସମିତି, ବ୍ରାହ୍ମଣ ସମାଜ, ବିଶ୍ୱ ହିନ୍ଦୁ ପରିଷଦ, ସଂଘ ପରିବାରର ମୁଖ୍ୟ କାର୍ଯ୍ୟକର୍ତାମାନେ ଯୋଗଦାନ କରିଥିଲେ। ଏହି ବୈଠକରେ ଦେବାଶିଷ ପୁରୋହିତଙ୍କ କନଭେନରରେ ଜିଲ୍ଲାର ସମସ୍ତ ଅନୁଷ୍ଠାନମାନଙ୍କୁ ସାମିଲ କରି ଏକ ଯୋଜନା ପ୍ରସ୍ତୁତ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇଛି। ଏହି ବୈଠକରେ ବିଚିତ୍ରାନନ୍ଦ ସାହୁ, ମନିଷ କୁମାର ଅଗ୍ରଓ୍ୟାଲା, ସୂର୍ଯ୍ୟକାନ୍ତ ଦଳବେହେରା, ସମ୍ଭୁପ୍ରସାଦ ମିଶ୍ର, ପ୍ରେମାନନ୍ଦ ମିଶ୍ର ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article