ବୌଦ୍ଧ: ବୌଦ୍ଧଜିଲା ଶିିକ୍ଷା ବିଭାଗ ପକ୍ଷରୁ ବୌଦ୍ଧ କଚେରୀ ଖେଳପଡ଼ିଆଠାରେ ଚାଲିଥିବା ଆନ୍ତଃ ବିଦ୍ୟାଳୟ ଫୁଟବଲ ପ୍ରତିଯୋଗିତା ସୋମବାର ଦିନ ଉଦଯାପିତ ହୋଇଯାଇଛି। ପ୍ରତିଯୋଗିତାର ଫାଇନାଲ ଖେଳ ବାଳକ ବିଭାଗର କଂଟାମାଳ ଓ ହରଭଙ୍ଗା ମଧ୍ୟରେ ହୋଇଥିଲା। ଏଥିରେ କଂଟାମାଳ ଦଳ ୪-୦ରେ ବିଜୟ ଲାଭ କରିଥିଲା। ସେହିପରି ବାଳିକା ବିଭାଗର ଫାଇନାଲ ଖେଳ କଂଟାମାଳ ଓ ବୌଦ୍ଧ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ବୌଦ୍ଧ ଦଳ ୧-୦ ଗୋଲରେ ବିଜୟ ଲାଭ କରିଥିଲା। ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ, ପଞ୍ଚାୟତ ରାଜ ଓ ପାନୀୟଜଳ ଏବଂ ସୁଚନା ଓ ଲୋକସଂପର୍କ ମନ୍ତ୍ରୀ ପ୍ରଦୀପ କୁମାର ଅମାତ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ଏନଏସି ଅଧକ୍ଷ୍ୟ ମୃତ୍ୟୁଞ୍ଜୟ ମିଶ୍ର , ଜିଲା କ୍ରୀଡା ଅଧିକାରୀ ପବିତ୍ର କୁମାର ରାଉତ, ଜିଲା ବିଜ୍ଞାନ ନିରୀକ୍ଷକ ଦେବେନ୍ଦ୍ର ଦେହୁରୀ ଯୋଗଦେଇଥିଲେ। ଖେଳରେ ବିଜେତା ଓ ଉପବିଜେତା ଦଳକୁ ଅତିଥିମାନଙ୍କ ଦ୍ୱାରା ଫୁଟବଲ ଓ ଟ୍ରଫି ପ୍ରଦାନ କରାଯାଇଥିଲା। କ୍ରୀଡା ଶିକ୍ଷା ନୀରିକ୍ଷକ ଆନନ୍ଦ କୁମାର ବେହେରା ଖେଳର ମହତ୍ୱ ଉପରେ ଆଲୋକପାତ କରିଥିଲେ। ଏହା ସହ ବିଭିନ୍ନ ବିଦ୍ୟାଳୟକୁ ଫୁଟବଲ ବଣ୍ଟନ କରଯାଇଥିଲା। ଖେଳକୁ ରେଫରି ପ୍ରବୀଣ ବେହେରା, ପ୍ରହଲ୍ଲାଦ ଭୋକ୍ତା, ଅମ୍ବରୀଶ ପ୍ରଧାନ ଓ ଅଲିଭା ପ୍ରଧାନ ପରିଚାଳନା କରିଥିଲେ।
Comments are closed.