ଡେଙ୍ଗୁ ସଚେତନତା ଓ ଭୁତାଣୁବାହିତ ରୋଗର ନିରାକଣ

ବୌଦ୍ଧ: ବୌଦ୍ଧଗଡ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ସ୍ଥାନୀୟ ଟାଉନହଲ ଠାରେ ଡେଙ୍ଗୁ ସଚେତନତା ଓ ଭୁତାଣୁ ବାହିତ ନିରାକରଣ ଉପରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ପରିଷଦର ନିର୍ବାହୀ ଅଧିକାରୀ ମନୋରଞ୍ଜନ ପଣ୍ଡା ସଭାପତିତ୍ୱ କରିଥିଲେ। ଏହି କାର୍ଯ୍ୟକ୍ରମରେ ଡାକ୍ତର ଏମଏମ ପ୍ରଧାନ, ଡା.କେସି ପଟ୍ଟନାୟକ, ବିକେ ହେମ୍ବ୍ରମ, ସ୍ୱାତୀ କୁମାରୀ, ଆଲୋକ ମିଶ୍ରଙ୍କ ସମେତ ସ୍ୱାସ୍ଥ୍ୟ ବିଭାଗର କର୍ମଚାରୀ, ୱାର୍ଡ ଅଫିସର, ସ୍ୱଚ୍ଛ ସୁରପଭାଇଜର ଓ ଜଳସାଥି ଉପସ୍ଥିତ ଥିଲେ। କାର୍ଯ୍ୟକ୍ରମରେ ଡାକ୍ତର ପ୍ରଧାନ ଡେଙ୍ଗୁରୋଗ ସଂପର୍କରେ ବିସ୍ତୁତ ଭାବରେ ବୁଝାଇଥିଲେ। ସହରାଞ୍ଚଳରେ କିପରି ଡେଙ୍ଗୁ ରୋଗକୁ ପ୍ରତିହତକରିପାରିବା ଏନେଇ କିଭଳି ସତର୍କତା ଅବଲମ୍ବନ କରାଯାଇ ପାରିବ ସେ ସମ୍ପର୍କରେ ମଧ୍ୟ ଡା. ପ୍ରଧାନ ମତବ୍ୟକ୍ତ କରିଥିଲେ। ଡା.ପଟ୍ଟନାୟକ ଡେଙ୍ଗୁରୋଗ ସତର୍କତା ରହିବାକୁ ହେଲେ କ’ଣ ପଦକ୍ଷେପ ନିଆଯାଇ ପାରିବ ସେନେଇ ଆଲୋଚନା କରିଥିଲେ। କାର୍ଯ୍ୟକ୍ରମରେ ଡେଙ୍ଗୁ ରୋଗ ନିୟନ୍ତ୍ରଣ ପାଇଁ ଡାକବାଜି ଯନ୍ତ୍ର ମାଧ୍ୟମରେ ଜନସାଧାରଣଙ୍କୁ ସଚେତନ କରାଯିବା ପାଇଁ ନିର୍ବାହିଅଧିକାରୀଙ୍କୁ ପରାମର୍ଶ ଦେଇଥିଲେ। ଜୁଲାଇ ପ୍ରଥମ ସପ୍ତହରୁ ସର୍ଭେ କାର୍ଯ୍ୟକରାଯିବ ବୋଲି ଡା. ପଟ୍ଟନାୟକ ସୂଚନା ଦେଇଥିଲେ। ଶେଷରେ ପରିଷଦର କର୍ମଚାରୀ ପ୍ରଫୁଲ୍ଲ ପଟ୍ଟନାୟକ ଧନ୍ୟବାଦ ଦେଇଥିଲେ।