ବୌଦ୍ଧ: ସ୍ୱେଛାସେବୀ ଅନୁଷ୍ଠାନ ସୁରଭି ପକ୍ଷରୁ ଗୋଛାପଡାଠାରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ଗ୍ରାମପଞ୍ଚାୟତସ୍ତରୀୟ ମହିଳା ଫେଡେରେସନର ସଭାନେତ୍ରୀ ଆନନ୍ଦିନୀ ରଥ ମୁଖ୍ୟଅତିଥି ଭାବରେ ଯୋଗଦେଇଥିବାବେଳେ ସମ୍ମାନିତ ଅତିଥି ଭାବରେ ସମ୍ପାଦିକା ସୁଷମା ମେହେର,ପଞ୍ଚାୟତ ନିର୍ବାହୀ ଅଧିକାରୀ ଶିତଳ ପଟ୍ଟନାୟକ ପ୍ରମୁଖ ଯୋଗଦେଇ ବିକାଶ କ୍ଷେତ୍ରରେ ମହିଳାମାନଙ୍କ ଯୋଗଦାନ ଏବଂ ସେମାନଙ୍କ ଦକ୍ଷତା ବିକାଶର ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ବର୍ତମାନ ସବୁ କ୍ଷେତ୍ରରେ ମହିଳାମାନଙ୍କ ଯୋଗଦାନକୁ ଭୂୟସୀ ପ୍ରଶଂସା କରାଯାଇଥିଲା। ଏଥିରେ ପଞ୍ଚାୟତର ଅଙ୍ଗନବାଡି କର୍ମୀ,ଆଶାକର୍ମୀ,ସ୍ୱୟଂସହାୟିକା ଗୋଷ୍ଠୀର ଶତାଧିକ ମହିଳା ଯୋଗଦାନ କରିଥିଲେ। କାର୍ଯ୍ୟକ୍ରମକୁ ସୁରଭିର ଜ୍ୟୋତି ସିଂ ପରିଚାଳନା କରିଥିଲେ।
Comments are closed.