ବୌଦ୍ଧ: ଦୀର୍ଘ ତିନି ଦିନ ପର୍ୟ୍ୟନ୍ତ ହୋଇଥିବା ବାଦଲ ଫଟା ବର୍ଷା ହେବା ଫଳରେ କଣ୍ଟାମାଳ ବ୍ଲକ ଅନ୍ତର୍ଗତ ଶିମିଳିପଦର ପଞ୍ଚାୟତର ଗବଜୋର, ଯାମୁମଜ୍ଝଳ, ପଥର୍ଲା ଆଦି ୧୦ ଖଣ୍ଡ ଗ୍ରାମକୁ ଯିବା ରାସ୍ତା ଉପରେ ଥିବା ନାଳଟି ଧୋଇ ହୋଇଯିବା ଫଳରେ ଏହି ଗାଁ ଗୁଡିକ ତଥା ୩ଟି ପଞ୍ଚାୟତର ଲୋକେ ନାହିଁ ନ ଥିବା ହଇରାଣ ହେଉଛନ୍ତି। ଏ ରାସ୍ତାଟି ପାଇଁ ଅଞ୍ଚଳବାସୀ ବିଡ଼ିଓଙ୍କ ନିକଟରେ ବାରମ୍ବାର ଅଭିଯୋଗ କଲେ ମଧ୍ୟ ବିଡ଼ିଓ କାଳକ୍ଷେପଣ ନୀତି ଅବଲମ୍ବନ କରି ଦିନ ଗଡ଼ାଉଥିବା ଅଭିଯୋଗ କରିଛନ୍ତି।
ଏ ନେଇ ଆମେ କଣ୍ଟାମଜ୍ଝଳ ବିଡ଼ିଓ ବନ୍ଦନା ଖଟୁଆଙ୍କ ସହ ଯୋଗାଯୋଗ କରିବାରୁ ରାସ୍ତାର ସମସ୍ୟା ପାଇଁ ମୁଁ ଉପରକୁ ଜଣାଇଛି ବୋଲି କହିଛନ୍ତି। କିନ୍ତୁ ଯୁଦ୍ଧ କାଳୀନ ଭିତ୍ତିରେ ଏ ରାସ୍ତାଟି ତିଆରି କରିବାପାଇଁ ବିଡ଼ିଓଙ୍କ ଠାରେ ଅଞ୍ଚଳବାସୀ ଜଣାଇଥିଲେ ହେଁ ବିଡ଼ିଓ ମନା କରିଦେଇଛନ୍ତି।
