ନୂଆଦିଲ୍ଲୀ: ବର୍ଷ ୨୦୨୩ର ଶେଷ ଭାଗ ବେଶ୍ ଚମତ୍କାର ଓ ଜବରଦସ୍ତ ମନୋରଞ୍ଜନଧର୍ମୀ ହେବାକୁ ଯାଉଛି। କାରଣ ପ୍ରଶାନ୍ତ ନୀଲ୍ଙ୍କ ‘ସାଲାର-ପାର୍ଟ ୱନ: ସିଜଫାୟର’ ଆସୁଛି, ଯେଉଁଥିରେ ନଜର ଆସିବେ ପ୍ରଭାସ। ଅପରପକ୍ଷେ, ରାଜକୁମାର ହିରାନୀଙ୍କ ‘ଡଙ୍କୀ’ ମଧ୍ୟ ପ୍ରେକ୍ଷାଳୟକୁ ଆସୁଛି, ଯେଉଁଥିରେ ଶାହରୁଖ ଖାନଙ୍କ ସହ ଭିକ୍କି କୌଶଲ ଓ ତାପସୀ ପନ୍ନୁ ନଜର ଆସିବେ। ଡିସେମ୍ବର ୨୨ ଓ ୨୩ରେ ମୁକ୍ତିଲାଭ କରିବାକୁ ଥିବା ଏହି ଦୁଇ ବଡ଼ ବଜେଟ୍ ଚଳଚ୍ଚିତ୍ରର ଅଗ୍ରୀମ ବୁକିଂ ମଧ୍ୟ ୩ ଦିନ ପୂର୍ବରୁ ଆରମ୍ଭ ହୋଇଯାଇଛି, ଯାହାକି ରେକର୍ଡ଼ ଆୟ କରୁଛି। ଇତି ମଧ୍ୟରେ ଖବର ଆସିଛି ଯେ, ବୁକ୍ ମାଇଁ ଶୋ ସାଇଟ୍ କ୍ରାସ୍ ହୋଇଯାଇଛି। ଏହା ଶୁଣି ପ୍ରଭାସଙ୍କ ପ୍ରଶଂସକଙ୍କ ଖୁସିର ଠିକଣା ନାହିଁ।
ମନୋବାଲା ବିଜୟବାଲନଙ୍କ ଟ୍ବିଟ୍ ଅନୁସାରେ, ବୁକ୍ ମାଇଁ ଶୋ ପୋର୍ଟାଲ କ୍ରାସ୍ ହୋଇଯାଇଛି, ଆଉ ଏହାର କାରଣ ପ୍ରଭାସଙ୍କ ‘ସାଲାର’। ଏହି ଟ୍ବିଟ୍ ପରେ ପ୍ରଶଂସକମାନେ ପ୍ରତିକ୍ରିୟା ଦେବା ଆରମ୍ଭ କରି ଦେଇଛନ୍ତି। ଜଣେ ୟୁଜର ଲେଖିଛନ୍ତି, ‘ସାଲାର’ ଝଡ଼ ବକ୍ସ ଅଫିସକୁ ଦୋହଲାଇବାକୁ ଯାଉଛି। ଅନ୍ୟଜଣେ ଲେଖିଛନ୍ତି, ଏହା ତ ସାଧାରଣ କଥା ହୋଇଗଲାଣି। ସେହିପରି ତୃତୀୟ ୟୁଜର ଲେଖିଛନ୍ତି, ବଡ଼ ବ୍ଲକବଷ୍ଟର ଚଳଚ୍ଚିତ୍ର ହେବ। ତେବେ କିଛି ଲୋକ ଏହାକୁ ମିଛ ଖବର କହୁଥିବା ବେଳେ ଅନ୍ୟ କେତେକ ଲୋକ ଏହା ‘ଡଙ୍କୀ’ କାରଣରୁ ହୋଇଥିବା କହିଛନ୍ତି।
BREAKING: Book My Show portal CRASHED.
Pure #Prabhas domination with #Salaar. pic.twitter.com/KHrZoQKXMK
— Manobala Vijayabalan (@ManobalaV) December 19, 2023
ଅଗ୍ରୀମ ବୁକିଂ ବିଷୟରେ କହିବାକୁ ଗଲେ ଏକ ରପୋର୍ଟ ମୁତାବକ, ‘ସାଲାର’ ପ୍ରଥମ ଦିନ ପାଇଁ ସମସ୍ତ ଭାଷାରେ ୨,୪୮,୫୬୪ ଟିକେଟ୍ ବିକ୍ରି କରିଛି। ବର୍ତ୍ତମାନ ସୁଦ୍ଧା ‘ସାଲାର’ ଅଗ୍ରୀମ ବୁକିଂରେ ୬.୦୩ କୋଟି ଟଙ୍କା ଆୟ କରିସାରିଲାଣି। ତେଲୁଗୁ, ମାଲାୟାଲମ, ତାମିଲ, କନ୍ନଡ଼ ଓ ହିନ୍ଦୀ ଭାଷାରେ ବିଶ୍ବବ୍ୟାପୀ ରିଲିଜ୍ ହେବାକୁ ଯାଉଥିବା ‘ସାଲାର’ର ଟକ୍କର ‘ଡଙ୍କୀ’ ସହ ହେବାକୁ ଯାଉଛି, ଯାହା ଅଗ୍ରୀମ ବୁକିଂରେ ‘ସାଲାର’କୁ କଡ଼ା ଟକ୍କର ଦେଉଛି।
Comments are closed.