କୋଟା : ରାଜସ୍ଥାନର ବୁନ୍ଦି ଜିଲା ଅନ୍ତର୍ଗତ ଇନ୍ଦରଗଡ଼ ଅଞ୍ଚଳ ଚମ୍ବଲ୍ ନଦୀରେ ଏକ ଡଙ୍ଗା ବୁଡିଯିବାରୁ ୧୪ଜଣଙ୍କର ମୃତ୍ୟୁ ହୋଇଛି। ବୁଧବାର ସକାଳେ କୋଟା ଜିଲାର ଖଟୋଲି ଥାନା ଅଞ୍ଚଳରେ ଏହି ଦୁର୍ଘଟଣା ଘଟିଛି। ପୁଲିସ କହିବା ଅନୁଯାୟୀ ଡଙ୍ଗାଟିରେ ୪୦ଜଣ ଭକ୍ତ ନଦୀ ପାର ହେଉଥିଲେ। ପ୍ରାୟ ୨୦/୨୫ଜଣ ନଈକୂଳକୁ ପହଁରି ଆସିଥିବାବେଳେ ୧୪ଜଣ ନିଖୋଜ ଅଛନ୍ତି। ସ୍ଥାନୀୟ ଲୋକଙ୍କ କହିବା ଅନୁସାରେ, ଖଟୋଲି ଥାନା ଅନ୍ତର୍ଗତ ଗାଁମାନଙ୍କରୁ ମହିଳା ଓ ପିଲାଙ୍କ ସମତେ ୪୦/୫୦ଜଣ ଲୋକ ଇନ୍ଦରଗଡ଼ରେ ଅବସ୍ଥିତ କମଳେଶ୍ବର ମହାଦେବ ମନ୍ଦିରକୁ ଦର୍ଶନ ନିମନ୍ତେ ଯାଉଥିଲେ। ସ୍ଥାନୀୟ ପ୍ରଶାସନ, ଗ୍ରାମବାସୀ ଏବଂ ପୁଲିସ ଟିମ୍ ମିଳିତ ଭାବେ ଉଦ୍ଧାର କାର୍ଯ୍ୟରେ ଲାଗିପଡ଼ିଥିଲେ। ରାଜ୍ୟ ବିପର୍ଯ୍ୟୟ ମୁକାବିଲା ବଳ ମଧ୍ୟ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତ୍ବରାନ୍ବିତ କରିଛି। ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ମୃତବ୍ୟକ୍ତିଙ୍କ ପରିବାରବର୍ଗଙ୍କ ପ୍ରତି ମୋର ଗଭୀର ସମବେଦନା ଜଣାଇବା ସହ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ଆର୍ଥିକ ଅନୁକମ୍ପା ଯୋଗାଇ ଦେବାକୁ ଘୋଷଣା କରିଛନ୍ତି।
Popular Categories
Previous article
Next article