ଗୋପାଳପୁର: ରକ୍ତ ଦାନ କରି ନିଆରା ଢଙ୍ଗରେ ନିଜ ଜନ୍ମଦିନ ପାଳନ କରିଛନ୍ତି ଜଣେ ଯୁବତୀ। ରକ୍ତ ଅଭାବରୁ ଜଣେ ମହିଳାଙ୍କ ଗତ ୭ ଦିନ ଧରି ଅସ୍ତ୍ରୋପଚାର ହୋଇ ପାରୁନଥିଲା, କିନ୍ତୁ ଯୁବତୀଙ୍କଠାରୁ ରକ୍ତ ପାଇବା ପରେ ମହିଳାଙ୍କ ଅପରେସନ ହୋଇ ପାରିବା ସହ ସୁସ୍ଥ ହୋଇ ପାରିଥିବା ଜଣାପଡିଛି। ପ୍ରବଳ ଗ୍ରୀଷ୍ମପ୍ରବାହ ଯୋଗୁଁ ବ୍ରହ୍ମପୁର ସମେତ ଆଖପାଖ ଅଞ୍ଚଳରେ ରକ୍ତଦାନ ଶିବିରର ଆୟୋଜନ ହୋଇପାରୁ ନ ଥିବାରୁ ରକ୍ତ ଭଣ୍ଡାରରେ ରକ୍ତର ଅଭାଵ ଲାଗି ରହିଛି। ପୁରୀ ଜିଲାର ୩୪ ବର୍ଷୀୟ ରଶ୍ମିତା ବେହେରା ରକ୍ତ ଅଭାବରୁ ଗତ ୭ ଦିନ ଧରି ମେଡିକାଲରେ ଚିକିତ୍ସିତ ହେଉଥିବା ସହ ତାଙ୍କର ଅସ୍ତ୍ରୋପଚାର ହୋଇପାରୁ ନଥିଲା। ରୋଗୀ ଜଣଙ୍କ ଜୀବନ ମରଣ ସ୍ଥିତିରେ ରହିଥିଲେ। ଏହି ଖବର ଓଡ଼ିଶାର ଅଗ୍ରଣୀ ସ୍ବେଛାସେବୀ ସଙ୍ଗଠନ ବିପଦର ବନ୍ଧୁ ଓଡ଼ିଶାଙ୍କ ପାଖରେ ପହଞ୍ଚିଥିଲା । ଏନେଇ ବିପଦର ବନ୍ଧୁ ସଂଗଠନ ପକ୍ଷରୁ ନିଜ ଗ୍ରୁପରେ ଆଲୋଚନା କରାଯାଇଥିଲା। ଖବର ଜାଣିବା ପରେ ରଙ୍ଗେଇଲୁଣ୍ଡା ବ୍ଲକ ଅନ୍ତର୍ଗତ ଟାଟା କଲୋନୀର ବାଲ୍ୟକୃଷ୍ଣ ମହାରଣାଙ୍କ ଝିଅ ସୁଶ୍ରୀ ବର୍ଷାରାଣୀ ମହାରଣା ସ୍ବେଚ୍ଛାକୃତ ଭାବେ ରକ୍ତଦାନ କରିବାକୁ ଆଗ୍ରହ ପ୍ରକାଶ କରିଥିଲେ। ବର୍ଷାରାଣୀ ନିଜର ୨୪ତମ ଜନ୍ମଦିନରେ ବ୍ରହ୍ମପୁର ରକ୍ତ ଭଣ୍ଡାରରେ ପହଞ୍ଚି ରକ୍ତଦାନ କରି ଅସହାୟ ମହିଳାଙ୍କ ଜୀବନ ବଞ୍ଚାଇ ପାରିଛନ୍ତି। ରକ୍ତ ପାଇବା ପରେ ରଶ୍ମିତାଙ୍କ ଅସ୍ତ୍ରୋପଚାର ହେବା ସହିତ ଜୀବନ ବଞ୍ଚି ଯାଇଥିଲା । ଏହାପରେ ମହିଳାଙ୍କ ପରିବାର ବର୍ଗ ବର୍ଷାଙ୍କୁ କୃତଜ୍ଞତା ଜଣାଇଛନ୍ତି। ବିପଦର ବନ୍ଧୁ ସଂଗଠନ ପକ୍ଷରୁ ଅନେକ ସମୟରେ ଅସହାୟ ଓ ଗରିବ ରୋଗୀମାନଙ୍କୁ ଅସମୟରେ ସାହାଯ୍ୟର ହାତ ବଢ଼ାଇ ସାହାଯ୍ୟ କରିବା କାମକୁ ସାଧାରଣରେ ପ୍ରଶଂସା କରାଯାଇଛି।
Popular Categories
Previous article
Next article