ସମାଜ ଡିଜିଟାଲ ଡେସ୍କ: କ୍ଵେଟାରୁ ପେଶାୱର ଯାଉଥିବା ଜାଫର ଏକ୍ସପ୍ରେସକୁ ପାକିସ୍ତାନର ବଲୋଚିସ୍ତାନରେ ଅପହରଣ କରାଯାଇଥିଲା। ମଙ୍ଗଳବାର ବଲୋଚିସ୍ତାନ ଲିବରେସନ ଆର୍ମି(ବିଏଲଏ) ଏହି କାଣ୍ଡ ଘଟାଇଥିଲା। ଟ୍ରେନରେ ୪୦୦ରୁ ଅଧିକ ଯାତ୍ରୀ ଥିବାବେଳେ ପାକିସ୍ତାନୀ ସେନା ପ୍ରାୟ ୨୦୦ରୁ ଅଧିକ ଯାତ୍ରୀଙ୍କୁ ବନ୍ଧକମୁକ୍ତ କରିଛି। ଅନ୍ୟପଟେ ଆହୁରି ୧୦୦ରୁ ଅଧିକ ଯାତ୍ରୀ ବିଏଲଏ କବଜାରେ ରହିଛନ୍ତି। ବୁଧବାର ବିଏଲଏ ପକ୍ଷରୁ ଏକ ଭିଡିଓ ଜାରି କରାଯାଇଛି। ସେମାନେ କିପରି ଏହି ଅପହରଣ କରିଥିଲେ ତାହାର ଦୃଶ୍ୟ ଭିଡିଓରେ ଦେଖିବାକୁ ମିଳିଛି।
ଭିଡିଓରେ ଦେଖିବାକୁ ମିଳିଛି ଯେ, ଜାଫର ଏକ୍ସପ୍ରେସ ସାଧାରଣ ଗତିରେ ଯାଉଥିଲା। ଏହି ସମୟରେ ଟ୍ରେନକୁ ଟାର୍ଗେଟ କରି ପ୍ରଥମେ ଟ୍ରାକରେ ବିସ୍ଫୋରଣ କରାଯାଇଥିଲା। ଏହା ପରେ ଟ୍ରେନ ଅଟକି ଯାଇଥିଲା। ବିଏଲଏ ସଦସ୍ୟମାନେ ପାହାଡ ଉପରେ ବସି ଏହି ଆକ୍ରମଣ କରୁଥିବା ଦେଖିବାକୁ ମଳିଛି। ଟ୍ରେନ ଅଟକିବା ପରେ ଯାତ୍ରୀମାନଙ୍କୁ ବନ୍ଧକ ବନାଇ ବାହାରକୁ ଅଣାଯାଉଛି। ସେମାନଙ୍କୁ ବନ୍ଧୁକ ମୁନରେ ଭୟଭୀତ କରାଇ ପାହାଡ଼ ମଧ୍ୟଭାଗରେ ବସାଇ ରଖାଯାଇଛି। ପାକିସ୍ତାନୀ ସେନା ଆକ୍ରମଣ କଲେ ସମସ୍ତ ବନ୍ଧକଙ୍କୁ ହତ୍ୟା କରାଯିବ ବୋଲି ଭିଡିଓରେ ଚେତାବନୀ ଦିଆଯାଇଛି। ୨୦୦ରୁ ଅଧିକ ମହିଳା ଓ ଶିଶୁଙ୍କୁ ଉଦ୍ଧାର କରାଯାଇଛି।
Breaking
Baloch Liberation Army media published the first visuals from #Bolan attack“Visuals of the Attack and Seizure of Jaffar Express by Baloch Liberation Army” pic.twitter.com/evN7zyJXNz
— Bahot | باہوٹ (@bahot_baluch) March 12, 2025
