ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ନୀତିନ ଗଡ଼କରିଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ପରୋକ୍ଷରେ ବିଜେପିକୁ ନୀତିନ ଟାର୍ଗେଟ୍ କରିଥିବା ଦେଖିବାକୁ ମିଳିଛି । ସଂସଦୀୟ ଦଳ ବୋର୍ଡରୁ ବିଦା ହେବା ପରେ ନୀତିନ ବିଜେପିକୁ ଟାର୍ଗେଟ କରି ଏପରି କିଛି କହିଥିବା ସାଧାରଣରେ କୁହାଯାଉଛି ।
ନୀତିନ କହିଛନ୍ତି କି, କାହାକୁ ବ୍ୟବହାର କରିବା ପରେ ଫିଙ୍ଗିଦେବା ଅନୁଚିତ୍ । ଭଲ ଦିନ ଥାଉ କି ଖରାପ ଦିନ କାହାର ହାତ ଛାଡ଼ିବା ଠିକ୍ ନୁହେଁ । କେନ୍ଦ୍ରମନ୍ତ୍ରୀ ନୀତିନ ଗଡ଼କରିଙ୍କ ଏହି ବୟାନ ବର୍ତ୍ତମାନ ସବୁଠି ଚର୍ଚ୍ଚାର ବିଷୟ ପାଲଟିଛି । ଏକ ଭିଡିଓ ମଧ୍ୟ ଭାଇରାଲ ହେବାର ଲାଗିଛି ।
ନାଗପୁରରେ ଆୟୋଜିତ ଏକ ସଭାରେ ନୀତିନ ଏପରି ଏକ ମନ୍ତବ୍ୟ ଦେଇଥିବା ଜଣାପଡ଼ିଛି । ନୀତିନ ଆହୁରି ମଧ୍ୟ କହିଛନ୍ତି, ଯେବେ ମୁଁ ଛାତ୍ରନେତା ଥିଲି ସେତେବେଳେ କଂଗ୍ରେସରେ ଯୋଗ ଦେବାକୁ କଂଗ୍ରେସ ନେତା ଶ୍ରୀକାନ୍ତ ଜିଚକର ମୋତେ କହିଥିଲେ । ହେଲେ ସେତେବେଳେ ମୁଁ ମନା କରିଥିଲି ।
ଆଉ କହିଥିଲି ମୁଁ କୂଅକୁ ଡେଇଁ ମରିଯିବି ପଛେ କଂଗ୍ରେସରେ ସାମିଲ ହେବିନାହିଁ । କାରଣ କଂଗ୍ରେସର ବିଚାରଧାରା ମୋତେ ପସନ୍ଦ ନୁହେଁ ବୋଲି ନୀତିନ ଗଡ଼କରି କହିଛନ୍ତି ।
Comments are closed.