ଝୁମ୍ପୁରା : ଝୁମ୍ପୁରା ବ୍ଲକ ସମ୍ମୁଖରେ ବିଜେଡି କର୍ମୀ ମାନେ ଗୁରୁବାର ଦିନ ଗଣଧାରଣା ଦେବା ସହିତ ପ୍ରତିବାଦ ସଭା ଆୟୋଜନ କରିଥିବା ଦେଖିବାକୁ ମିଳିଥିଲା । ଝୁମ୍ପୁରା ବ୍ଲକ ବିଜୁ ଜନତା ଦଳର ସଭାପତି କଫିଲ ଆନସାରୀଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅନୁଷ୍ଠିତ ଏହି ଗଣଧାରଣାରେ ବିଜୁ ଜନତା ଦଳର ଜିଲା ସଭାପତି ମାଧବ ସର୍ଦ୍ଦାର, ସାଂସଦ ଚନ୍ଦ୍ରାଣୀ ମୁର୍ମୁ, ଝୁମ୍ପୁରା ବ୍ଲକ ବିଜୁ ଯୁବ ଜନତା ଦଳର ସଭାପତି ଇଂ ହରିଭକ୍ତ କୁନା ଗିରି, ଉପସଭାପତି ଟୁନା ବାରିକ, ୧୬ ନମ୍ବର ଜିଲାପରିଷଦ ସଦସ୍ୟା କ୍ଷୀରୋଦିନୀ ମହାକୁଡ, ୧୭ ନମ୍ବର ଜିଲାପରିଷଦ ସଦସ୍ୟା ସୋମବାରୀ ମୁର୍ମୁ, ୧୮ ନମ୍ବର ଜିଲାପରିଷଦ ସଭ୍ୟ ରାଧାକାନ୍ତ ନାଏକ, ବରିଷ୍ଠ ବିଜେଡି କର୍ମୀ ମହେନ୍ଦ୍ର ସାହୁ, ଯଦୂମଣି ରାଉତ, ବିପିନ ଆପଟ, ଯଦୁମଣି ବାରିକ, ରଞ୍ଜନ ବେହେରା, ସୁଶାନ୍ତ ପ୍ରଧାନ, ଲୋଚନ ସାହୁଙ୍କ ସମେତ ବ୍ଲକର ବହୁ ବରିଷ୍ଠ ବିଜେଡି କର୍ମୀମାନେ ଯୋଗଦେଇଥିଲେ। କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ରାଜ୍ୟର ୩.୨୫ କୋଟି ଗରିବ ହିତାଧିକାରୀଙ୍କୁ ୫ କିଲୋ ଚାଉଳ ଯୋଗାଣରୁ ବଞ୍ଚିତ କରାଯାଉଥିବା ନିଷ୍ପତ୍ତିକୁ ବିରୋଧ କରି ଏହି ଗଣଧାରଣା ଓ ପ୍ରତିବାଦ ସଭା ଅନୁଷ୍ଠିତ ହୋଇଥିଲା । ଏଥିରେ ଝୁମ୍ପୁରା ବ୍ଲକର ୨୨ ଗୋଟି ପଞ୍ଚାୟତ ବିଜୁ ଜନତା ଦଳର ସମର୍ଥିତ ସରପଞ୍ଚ, ସମିତି ସଭ୍ୟ ଏବଂ ବିଜୁ ଜନତା ଦଳର କର୍ମୀ ମାନେ ଉପସ୍ଥିତ ରହିଥିଲେ। ରାଜ୍ୟବାସୀଙ୍କ ହକକୁ କେନ୍ଦ୍ର ସରକାର ଫେରାଇବା ନିମନ୍ତେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ଝୁମ୍ପୁରା ବିଡିଓ ଉମାକାନ୍ତ ପରିଡାଙ୍କୁ ପ୍ରଦାନ କରାଯାଇଛି ।
Popular Categories
Previous article
Next article