ବିଶ୍ୱ ଆଦିବାସୀ ଦିବସ ପାଳନ କଲା ବିଜେଡି: ନବୀନ କହିଲେ ଆଦିବାସୀଙ୍କ ବିକାଶ କାର୍ଯ୍ୟ ଜାରି ରହୁ

ଭୁବନେଶ୍ୱର: ଆଜି ବିଶ୍ୱ ଆଦିବାସୀ ଦିବସ। ଶଙ୍ଖ ଭବନରେ ବିଶ୍ୱ ଆଦିବାସୀ ଦିବସକୁ ଧୁମଧାମରେ ପାଳନ କରିଛି ବିଜେଡି। ସାମିଲ ହୋଇଥିଲେ ବିଜେଡି ସଭାପତି ନବୀନ ପଟ୍ଟନାୟକ। ଏହି ଅବସରରେ ନବୀନ ଉଦବୋଧନ ଦେଇ କହିଛନ୍ତି ଆଦିବାସୀଙ୍କ ଉନ୍ନତି ପାଇଁ ବିଜେଡି ସରକାରରେ ଥିବାବେଳେ ଅନେକ କାମ କରିଛି। ଆଦିବାସୀ ନେତାଙ୍କୁ ସମ୍ମାନ ଜଣାଇ ହସ୍ପିଟାଲ ନିର୍ମାଣ ହୋଇଛି। ଯେପରିକି କଳାହାଣ୍ଡିରେ ରେଣ୍ଡୋ ମାଝୀ ମେଡିକାଲ କଲେଜ ପ୍ରତିଷ୍ଠା, ବାରିପଦାରେ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ପ୍ରତିଷ୍ଠା ଏବଂ ରାଉରକେଲାରେ ବିର୍ସାମୁଣ୍ଡା ହକି ଷ୍ଟାଡିୟମ ସ୍ଥାପନ ଇତ୍ୟାଦି ବିଜେଡି କରିଛି। ଆଦିବାସୀଙ୍କ ସେବାରେ ସବୁବେଳେ ବିଜେଡି ରହିଛି ଓ ରହିବ। ଆଦିବାସୀ ଭାଷାକୁ ମାନ୍ୟତା ଦେବା ପାଇଁ କେନ୍ଦ୍ର ନିକଟରେ ଦାବି କରି ଆସୁଛି ବିଜେଡି। ଏହାସହିତ ଆଦିବାସୀଙ୍କ ବିକାଶ ପାଇଁ ବିଜେଡି ଉଦ୍ୟମ ଜାରି ରଖିବ ବୋଲି ନବୀନ କହିଛନ୍ତି।