ଆଠଗଡ : ଦେବଶିଳ୍ପୀ ବିଶ୍ୱକର୍ମାଙ୍କ ଆବାହନରେ ଆଠଗଡ ଅଞ୍ଚଳର ବିଭିନ୍ନ ଯାନ୍ତ୍ରିକ ବିଭାଗ, ବୈଷୟିକ ପ୍ରତିଷ୍ଠାନ ଏବଂ ଯାନ୍ତ୍ରିକ ବ୍ୟବସାୟିକ ପ୍ରତିଷ୍ଠାନ ଉତ୍ସବ ମୁଖର ହୋଇ ଉଠିଛି । ଆଠଗଡ ବିଦ୍ୟୁତ୍ ବିଭାଗ ସବ୍ଷ୍ଟେସନ, ଜନସ୍ୱାସ୍ଥ୍ୟ ବିଭାଗ, ଗ୍ରାମ୍ୟ ପାନୀୟ ଜଳ ଯୋଗାଣ ବିଭାଗ, ପୂର୍ତ୍ତବିଭାଗ, ଜଳସେଚନ, କ୍ଷୁଦ୍ର ଜଳସେଚନ, ବିଏସଏନଏଲ ଟେଲିଫୋନ କାର୍ଯ୍ୟାଳୟ ସମେତ ମା’ ବାଉତୀ ଟ୍ୟାକ୍ସି ଚାଳକ ସଂଘ ଏବଂ ବିଭିନ୍ନ ଯାନ୍ତ୍ରିକ ବ୍ୟବସାୟିକ ପ୍ରତିଷ୍ଠାନରେ ବିଶ୍ୱକର୍ମାପୂଜା ବେଶ୍ ଯାକଜମକରେ ପାଳନ କରାଯାଉଛି ।
ବିଦ୍ୟୁତ୍ ବିଭାଗ, ଜନସ୍ୱାସ୍ଥ୍ୟ ବିଭାଗ ଓ ଟ୍ୟାକ୍ସି ଚାଳକ ସଂଘର ପୂଜା ମଣ୍ଡପ ସୁନ୍ଦର ସାଜ୍ଜସଜ୍ଜାରେ ଆକର୍ଷଣୀୟ ଦେଖାଯାଉଥିବାରୁ ସେ ସବୁ ସ୍ଥାନରେ ବହୁ ଜନସମାଗମ ଦେଖିବାକୁ ମିଳୁଛି । ବିଭିନ୍ନ ଅନୁଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଆୟୋଜିତ ହେଉଛି । ଟ୍ୟାକ୍ସି ଚାଳକ ସଂଘ ପକ୍ଷରୁ ରେକର୍ଡ ଡ୍ୟାନ୍ସ ଓ ସଂଗୀତ କାର୍ଯ୍ୟକ୍ରମ ଆୟୋଜିତ ହେଉଛି । ଏଥି ସହିତ ଆଠଗଡ ଅଞ୍ଚଳରେ ଗଢି ଉଠିଥିବା ବିଭିନ୍ନ ଶିଳ୍ପ କାରଖାନାରେ ମଧ୍ୟ ବିଶ୍ୱକର୍ମା ପୂଜା ବେଶ୍ ଆଡମ୍ବରପୂର୍ଣ୍ଣ ଭାବେ ଆୟୋଜିତ ହେଉଥିବା ଜଣାପଡିଛି ।
Comments are closed.