ଭୁବନେଶ୍ବର: ଉତ୍ତରପ୍ରଦେଶରେ ଅନୁଷ୍ଠିତ କୁମ୍ଭମେଳାରେ ଯୋଗ ଦେବା ପାଇଁ ଭୁବନେଶ୍ବର ସ୍ଥିତ କ୍ରିୟା ଯୋଗ ଆଶ୍ରମ ପକ୍ଷରୁ ‘‘ଅଖିଳ ଭାରତୀୟ ସର୍ବ ଧର୍ମ ସମନ୍ବୟ ବିଶ୍ବ ଶାନ୍ତି ଜଗନ୍ନାଥ ରଥଯାତ୍ରା’’ ର ଶୁଭାରମ୍ଭ ହୋଇଛି । କ୍ରିୟା ଯୋଗ ଆଶ୍ରମ ଭୁବନେଶ୍ବରର ପ୍ରତିଷ୍ଠାତା ପୂଜ୍ୟଗୁରୁ ସ୍ବାମୀ ଶଙ୍କରାନନ୍ଦ ଗିରି ମହାରାଜଙ୍କ ପୌରୋହିତ୍ୟରେ ଏହି ପ୍ରତୀକ ପାବନ ଯାତ୍ରା ଶୁକ୍ରବାର ଠାରୁ ଆରମ୍ଭ ହୋଇଛି । ଓଡିଶା ସରକାରଙ୍କ ଅର୍ଥ ଓ ଅବକରୀ ମନ୍ତ୍ରୀ ମାନ୍ୟବର ଶଶୀଭୂଷଣ ବେହେରା, ଉତ୍ତର ଭୁବନେଶ୍ବର ବିଧାୟକ ମାନନୀୟ ପ୍ରିୟଦର୍ଶୀ ମିଶ୍ର ଏବଂ ଭୁବନେଶ୍ବର ମହାନଗର ନିଗମର ନଗରପାଳ ଅନନ୍ତ ନାରାୟଣ ଜେନା ପବିତ୍ର ଧ୍ବଜା ଦର୍ଶନରେ ଏହି ଯାତ୍ରା ଶୁଭରାମ୍ଭ କରିଥିଲେ । ଏହି ପବିତ୍ର ଯାତ୍ରା ଭୁବନେଶ୍ବର ଠାରୁ ଆରମ୍ଭ ହୋଇ ବମ୍ବେ ଛକ, ରାଞ୍ଚି, ଗୟା ଓବନାରସ ଦେଇ ଉତ୍ତର ପ୍ରଦେଶର ପ୍ରୟାଗରାଜରେ ପହଞ୍ଚିବ ।
