ସମାଜ ଡିଜିଟାଲ ଡେସ୍କ: ଆଦିବାସୀମାନଙ୍କର ଜଳ, ଜମି ଓ ସେମାନଙ୍କର ଅଧିକାରକୁ ନେଇ ଆଜୀବନ ସଂଗ୍ରାମ କରି ଆସିଥିବା ବିର୍ସା ମୁଣ୍ଡାଙ୍କର ଶୁକ୍ରବାର ୧୫୦ତମ ଜୟନ୍ତୀ ପାଳିତ ହେଉଛି। ଏହି ଅବସରରେ କଟକ ଜବାହରଲାଲ ନେହେରୁ ଇନ୍ଡୋର ଷ୍ଟାଡିୟମଠାରେ ଜିଲାସ୍ତରୀୟ ବିର୍ସା ମୁଣ୍ଡାଙ୍କ ୧୫୦ତମ ଜୟନ୍ତୀ ସମାରୋହ ଅନୁଷ୍ଠିତ ହୋଇଯାଇଛି। ବିର୍ସା ମୁଣ୍ଡାଙ୍କ ୧୫୦ତମ ଜୟନ୍ତୀକୁ ଜନଜାତୀୟ ଗୌରବ ଦିବସ ଭାବରେ ପାଳନ କରାଯାଉଛି।
ଜବାହରଲାଲ ନେହେରୁ ଇନ୍ଡୋର ଷ୍ଟାଡିୟମଠାରେ ଅନୁଷ୍ଠିତ ଜିଲାସ୍ତରୀୟ ସମାରୋହକୁ ରାଜ୍ୟ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଉଦଘାଟନ କରି କହିଛନ୍ତି, ବିର୍ସା ମୁଣ୍ଡାଙ୍କୁ ନେଇ ଆଦିବାସୀମାନେ ଗର୍ବ ଅନୁଭବ କରନ୍ତି। ସେ ଆଦିବାସୀମାନଙ୍କର ଜଳ, ଜମି ଓ ଅଧିକାର ନେଇ ଆଜୀବନ ସଂଗ୍ରାମ କରିଆସୁଥିଲେ। ସେହିଭଳି ବିର୍ସା ମୁଣ୍ଡା ଇଂରେଜ ସରକାରଙ୍କ ବିରୁଦ୍ଧରେ ଆଦିବାସୀମାନଙ୍କୁ ସଂଗଠିତ କରି ସ୍ବାଧୀନତା ପାଇଁ ଲଢେଇ ଜାରି ରଖିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିହାର ରାଜ୍ୟ ଅନ୍ତର୍ଗତ ଜାମୁଇଠାରେ ଆଭାସୀ ମାଧ୍ୟମରେ ଜନଜାତୀୟ ଗୌରବ ଦିବସକୁ ଉଦଘାଟନ କରିଛନ୍ତି। ଇନ୍ଡୋର ଷ୍ଟାଡିୟମଠାରେ ଅନୁଷ୍ଠିତ ଜିଲାସ୍ତରୀୟ ସମାରୋହରେ ସାଂସଦ ଭର୍ତ୍ତୃହରି ମହତାବ, ମେୟର ସୁବାସ ସିଂ, କଟକ ସଦର ବିଧାୟକ ପ୍ରକାଶ ଚନ୍ଦ୍ର ସେଠୀ, ମାହାଙ୍ଗା ବିଧାୟକ ସାରଦା ପ୍ରଧା ପ୍ରମୁଖ ଉପସ୍ଥିତ ଥିଲେ। ଉତ୍ସବରେ ଜିଲାପାଳ ଦତ୍ତାତ୍ରେୟ ଭାଓ ସାହେବ ସିନ୍ଦେ ଅଧ୍ୟକ୍ଷତା କରିଥିଲେ। ଅତିରିକ୍ତ ଜିଲାପାଳ ଡ. ଦିବ୍ୟଲୋଚନ ମହାନ୍ତ ଜିଲାସ୍ତରୀୟ ସମାରୋହ ଉଦଘାଟନ ଉତ୍ସବରେ ସ୍ବାଗତ ଭାଷଣ ଦେଇ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ। ଶେଷରେ ଆଦିବାସୀ ଜନଜାତିର ଅନ୍ତେବାସୀମାନଙ୍କୁ ମନ୍ତ୍ରୀ ପଟ୍ଟା ବିତରଣ କରିଥିଲେ।
Comments are closed.