ଭୁବନେଶ୍ବର: ବିଜୁ ପକ୍କାଘର ଯୋଜନା ବନ୍ଦ ହୋଇନାହିଁ। ଚଳିତବର୍ଷ ଏହି ଯୋଜନାରେ ୭୬୨ ସଂଖ୍ୟକ ବିସ୍ଥାପିତଙ୍କୁ ଗୃହ ମଞ୍ଜୁର କରାଯାଇଛି ବୋଲି ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ପ୍ରଦୀପ କୁମାର ଅମାତ ବିଧାନସଭାରେ କହିଛନ୍ତି। ବିଧାୟକ ପ୍ରଫୁଲ୍ଲ ସାମଲଙ୍କ ପ୍ରଶ୍ନର ଉତ୍ତରରେ ମନ୍ତ୍ରୀ ଶ୍ରୀ ଅମାତ କହିଛନ୍ତି ଯେ, ସାମାଜିକ ଅର୍ଥନୈତିକ ଓ ଜାତିଗତ ଗଣନା ମୁତାବକ ରାଜ୍ୟର ଗ୍ରାମାଞ୍ଚଳରେ ୫,୩୦୮ ସଂଖ୍ୟକ ପରିବାର ବାସହୀନ ଥିଲେ । ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ) ରେ ଗତ ୧୮ ତାରିଖ ସୁଦ୍ଧା ୨୭,୩୫,୨୬୩ ସଂଖ୍ୟକ ପରିବାରକୁ ଗୃହ ମଞ୍ଜୁର କରାଯାଇଛି। ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ) ପାଇଁ ଯୋଗ୍ୟ ଥିବା ଓ ଗୃହ ପାଇ ନ ଥିବା ୧,୨୬,୮୬୪ ସଂଖ୍ୟକ ପରିବାରର ନାମ ସର୍ବେକ୍ଷଣ କରାଯାଇ ଆବାସଯୁକ୍ତ ତାଲିକାରେ ସ୍ଥାନିତ କରାଯାଇଛି। ଆର୍ଥିକ ବର୍ଷ ୨୦୧୪-୧୫ରୁ ୨୦୨୩ ସୁଦ୍ଧା ବିଭିନ୍ନ ଗ୍ରାମୀଣ ଗୃହ ନିର୍ମାଣ ଯୋଜନାରେ ୩୧,୫୫,୨୧୦ ଗୋଟି ପକ୍କା ଗୃହ ନିର୍ମାଣ କାର୍ଯ୍ୟ ଶେଷ ହୋଇଥିବା ବେଳେ ୧୦,୨୯,୮୭୨ ଗୋଟି ଗୃହ ନିର୍ମାଣଧୀନ ରହିଛି।
Popular Categories
Previous article
Next article