ପାଟନା : ବିହାରର ବୈତିୟା ଜିଲାର ମୁଫାସିଲ ଥାନା ଅଞ୍ଚଳରେ ଏକ ହୃଦୟବିଦାରକ ଘଟଣା ଘଟିଛି । ନରକାଟିଆଗଞ୍ଜ-ମୁଜାଫରପୁର ରେଳ ବିଭାଗର ମନସା ଟୋଲାରେ ଥିବା ରୟାଲ ସ୍କୁଲ ନିକଟରେ ରେଳ ଧାରଣାରେ ଗେମ୍ ଖେଳିବା ସମୟରେ ଟ୍ରେନ୍ରେ କଟି ୩ ଜଣ ନାବାଳକଙ୍କ ଜୀବନ ଚାଲି ଯାଇଛି । ସେମାନଙ୍କ ବୟସ ୧୪ ରୁ ୧୬ ବର୍ଷ ବୟସ ହେବ ବୋଲି ଜଣାପଡିଛି । ଗୁରୁବାର ବିଳମ୍ବିତ ସନ୍ଧ୍ୟାରେ ରେଳ ଧାରଣାରେ ବସି କାନରେ ଇୟରଫୋନ୍ ଲଗାଇ ପବ୍ଜୀ ଗେମ୍ ଖେଳୁଥିଲେ । ସେହି ସମୟରେ ଟ୍ରେନ୍ ଆସିଥିଲା ମାତ୍ର କାନରେ ଇୟରଫୋନ୍ ଥିବା କାରଣରୁ ଟ୍ରେନ୍ ଶବ୍ଦ ଶୁଣା ନଯାଇନଥିବା ଅନୁମାନ କରାଯାଉଛି । ଫଳରେ ଟ୍ରେନ୍ରେ କଟି ୩ ନାବାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ଖବର ପାଇ ରେଳୱେ ଅଧିକାରୀ ଓ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ଘଟଣାର ତଦନ୍ତ ଜାରି ରଖିଛନ୍ତି । ଏହି ଖବର ଜଣାପଡିବା ପରେ ପରିବାର ଲୋକେ ଭାଙ୍ଗି ପଡିବା ସହ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ସାବଧାନ୍; ଆସିଲା ନୂଆ ଟ୍ରାଫିକ୍ ନିୟମ, ଏଣିକି ଚାଲାଣ କଟିବ ହଜାର ନୁହେଁ ଲକ୍ଷ ଲକ୍ଷ ଟଙ୍କା..
