ଭୋପାଳ : ଭୋପାଳର ବାସିନ୍ଦା ହବୀବ ନାମକ ଜଣେ ୧୦୩ ବର୍ଷୀୟ ବୃଦ୍ଧ ମଧ୍ୟପ୍ରଦେଶର ସବୁଠାରୁ ବୟସ୍କ ବର ବୋଲି କୁହାଯାଇଛି। ଏହାର କାରଣ ହେଉଛି ୧୦୩ ବର୍ଷରେ ସେ ୪୯ ବର୍ଷୀୟ ଫିରୋଜଙ୍କୁ ବିବାହ କରିଛନ୍ତି।
ସୋସିଆଲ ମିଡିଆରେ ଏହି ବିବାହକୁ ନେଇ ଅନେକ ଚର୍ଚ୍ଚା କରାଯାଉଛି। ଏହି ବିବାହ ୨୦୨୩ ମସିହାରେ ହୋଇଥିଲା। ମାତ୍ର ବର୍ତ୍ତମାନ ଏହାର ଭିଡିଓ ଭାଇରାଲ ହେଉଛି। ଏହି ବିବାହ ଭିନ୍ନ ହେବାର କାରଣ ବରଙ୍କୁ ୧୦୩ ବର୍ଷ ଓ କନ୍ୟାଙ୍କୁ ୪୯ ବର୍ଷ। ହବୀବଙ୍କ ଏହା ୩ୟ ବିବାହ ଅଟେ।
ଭାଇରାଲ ହେଉଥିବା ଏକ ଭିଡିଓରେ ଦେଖାଯାଉଛି, ହବୀବ ଏକ ଅଟୋରେ ନିଜର କନ୍ୟାଙ୍କୁ ବିବାହ ପରେ ଘରକୁ ଆଣୁଛନ୍ତି। ଲୋକେ ତାଙ୍କୁ ଶୁଭେଚ୍ଛା ମଧ୍ୟ ଜଣାଉଛନ୍ତି। ସେ ମଧ୍ୟ କୃତଜ୍ଞତା ଜଣାଇଛନ୍ତି। ହବୀବ କହିଛନ୍ତି, ତାଙ୍କ ପ୍ରଥମ ବିବାହ ମହାରାଷ୍ଟ୍ରର ନାସିକ ଓ ୨ୟ ବିବାହ ଉତ୍ତର ପ୍ରଦେଶ ଲଖନଉରେ ହୋଇଥିଲା। ୨ ଜଣ ପତ୍ନୀଙ୍କ ବିୟୋଗ ହୋଇ ସାରିଛି। ଏହାପରେ ଏକୁଟିଆ ପଣ କାରଣରୁ ସେ ଫରୋଜଙ୍କୁ ବିବାହ କରିଛନ୍ତି। ପ୍ରଥମେ ଫିରୋଜ ଅରାଜି ଥିଲେ, ମାତ୍ର ପରେ ରାଜି ହୋଇଥିଲେ। ତାଙ୍କ ପତି ମଧ୍ୟ ଦୁନିଆରେ ନାହାଁନ୍ତି। ହବୀବଙ୍କ ଦେଖାଶୁଣା ପାଇଁ କେହି ନଥିବାରୁ ଫିରୋଜ ଏହି ବିବାହ ପାଇଁ ରାଜି ହୋଇଛନ୍ତି ବୋଲି କହିଛନ୍ତି।
ଚର୍ଚ୍ଚାରେ ବିବାହ ; ୧୦୩ ବର୍ଷୀୟ ବୃଦ୍ଧ କଲେ ୩ୟ ବିବାହ,କନ୍ୟାଙ୍କ ବୟସ ୪୯
Popular Categories
Previous article
Next article