ଭବାନୀପାଟଣା: ପୁସ୍ତକ ମାନବ ସମାଜର ଜୀବନ ରେଖା। ଖଣ୍ଡେ ପୁସ୍ତକ ଯୁଗଯୁଗ ପାଇଁ ବାର୍ତ୍ତାବହ ସାଜେ। ନେପୋଲିଅନଙ୍କ ଭାଷାରେ ପୁସ୍ତକ ଖଣ୍ଡାଠାରୁ ମଧ୍ୟ ଅଧିକ ଶକ୍ତିଶାଳୀ। ଆଜି ଲେଖିକା କଳ୍ପନା ରଥଙ୍କ ରଚିତ ଦୁଇଟି ପୁସ୍ତକ ଉନ୍ମୋଚନ ଅବସରରେ ବକ୍ତାମାନେ ଏଭଳି ମତ ପୋଷଣ କରିଥିଲେ। ସ୍ଥାନୀୟ ବ୍ରଜ ବିହାର ଶିଶୁ ମନ୍ଦିର ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଶ୍ରୀରୂପା ପବ୍ଲିକେସନ୍ ଦ୍ଵାରା ପ୍ରକାଶିତ ବିଶିଷ୍ଟ ଲେଖିକା କଳ୍ପନା ରଥଙ୍କ ଗଳ୍ପ ସଙ୍କଳନ ‘ପ୍ରଥା’ ଏବଂ କବିତା ସଙ୍କଳନ ‘କଣ୍ଢେଇ’ ଲୋକାର୍ପଣ ହେଇଥିଲା। ଏହି କାର୍ଯ୍ୟକ୍ରମରେ ବିଶିଷ୍ଟ ଶିକ୍ଷାବିତ୍ ଲିଙ୍ଗରାଜ ମିଶ୍ର, ବରିଷ୍ଠ ସାମ୍ବାଦିକ ସାମ୍ବାଦିକ ଉମା ଶଙ୍କର କର, ବିଶିଷ୍ଟ ଶିକ୍ଷାବିତ୍ ଉମେଶ ଶତପଥି, ବରିଷ୍ଠ ଓକିଲ ମୀନକେତନ ମିଶ୍ର, ଗବେଷକ ପରମେଶ୍ବର ମୁଣ୍ଡ, ସାହିତ୍ୟିକ ଲଳିତ କାନୁନଗୋ, ଗାଳ୍ପିକ ସୁକାନ୍ତ ସାହୁ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ। କବି ବିରଞ୍ଚି ନାରାୟଣ ମୁଣ୍ଡ ମଞ୍ଚ ପରିଚାଳନା କରିଥିବାବେଳେ କବି ପ୍ରତାପ ପଣ୍ଡା ଧନ୍ୟବାଦ ଅର୍ପଣ କରିଥିଲେ। କଳାହାଣ୍ଡି ଲେଖିକା ସଂଘ ସଂପାଦିକା କଳ୍ପନା ରଥଙ୍କ ପୂର୍ବ ପ୍ରକାଶିତ ପୁସ୍ତକ ‘ବୋଉର ଶାଢି’ ବେଶ୍ ପାଠକୀୟ ଆଦୃତି ଲାଭ କରିଥିଲା।
Popular Categories
Previous article
Next article