ଭୁବନେଶ୍ୱର – ରାଜଧାନୀ ଉପକଣ୍ଠ ଭରତପୁରରେ ସୁରେଖା ପଲେଇ ନାମକ ଜଣେ ଯୁବତୀଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଥିଲା । ଏହି ଅଭିଯୋଗରେ ପୋଲିସ ସୁରେଖାଙ୍କ ପୁରୁଷ ବନ୍ଧୁଙ୍କ ସହ ଅନ୍ୟ ଦୁଇ ଜଣ ମୋଟ୍ ତିନିଜଣଙ୍କୁ ଗିରଫ କରିଛି । ତେବେ ସୁରେଖା ଏକ ତରଫା ପ୍ରେମ ଯୋଗୁଁ ଆତ୍ମହତ୍ୟା କରିଥିବା ପୁରୁଷ ବନ୍ଧୁ ବିଶ୍ୱଜିତ୍ ଜେନା କହିଛି । ବିଶ୍ୱଜିତ୍ ଘରେ ସୁରେଖା ରଶି ଦେଇ ଆତ୍ମହତ୍ୟା କରିଥିବେ ସେ କହିଛି ।
ଘଟଣା ଦିନ ସେମାନେ ଭୋଜି ଭାତ କରିଥିଲେ। ଏହାପରେ ସୁରେଖା ସେମାନଙ୍କୁ ବାହାରୁ କବାଟ ଦେଇ ଆତ୍ମହତ୍ୟା କରିଥିବା ସେ କହିଛି । ପରେ ଅଭିଯୁକ୍ତମାନେ ପ୍ରମାଣ ନଷ୍ଟ କରିବା ସହ ସୁରେଖାଙ୍କ ମୃତ ଶରୀରକୁ ତାଙ୍କ ଘରେ ରଖି ଫେରାର ହୋଇଯାଇଥିଲେ । ବିଶ୍ୱଜିତ୍ ଘରୁ ରକ୍ତ ଲଗା ଲୁଗା ସହ ଅନ୍ୟ କିଛି ଜିନିଷ ପୋଲିସ ଜବତ କରିଛି । ପୋଲିସ ଫୋରେନସିକ୍ ଟିମ୍ ଏବଂ ଏମସ୍ର ଡାକ୍ତରୀ ଦଳକୁ ନେଇ ପୁଣି ଥିଲେ ଏହାର ତଦନ୍ତ କରିଥିଲା । ଅଭିଯୁକ୍ତମାନଙ୍କୁ ପୋଲିସ୍ ଅଧିକ ପଚରା ଉଚରା କରୁଛି ।
