ଭବାନୀପାଟଣା : ଭବାନୀପାଟଣାରେ ଏକ ସଡକ ଦୁର୍ଘଟଣାରେ ୩୫ ଜଣ ଆହତ ହୋଇଥିବା ସୂଚନା ମିଳିଛି । ମଙ୍ଗଳବାର ଦିନ ୧୧ଟା ସମୟରେ ଭବାନୀପାଟଣା – ଖରିଆର ରାସ୍ତାର କର୍ଲାଗୁଡା ନିକଟରେ ଏକ ପିକ୍ଅପ୍ ଭ୍ୟାନ ଭାରସାମ୍ୟ ହରାଇ ଓଲଟି ପଡିବାରୁ ୩୫ଜଣ ଆହତ ହୋଇଥିଲେ ।
ସୋମବାରରେ ପୁରୀରେ ଅନୁଷ୍ଠିତ ହୋଇଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ କାର୍ଯ୍ୟକ୍ରମରେ ଯୋଗଦେବାପାଇଁ ଭବାନୀପାଟଣା ବ୍ଲକର ଛେଲିଆମାଲ ଗ୍ରାମର ପ୍ରାୟ ୩୫ ଜଣ ପୁରୁଷ , ମହିଳା, ଶିଶୁ ଏକ ପିକ୍ଅପ୍ ଭ୍ୟାନରେ ଯାଇଥିଲେ । ପୁରୀରୁ ଫେରୁଥିବା ସମୟରେ ଏହି ଗାଡିଟି ଦୁର୍ଘଟଣାଗ୍ରସ୍ତ ହୋଇଥିଲା । ଏମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଗରୁତର ହେବାରୁ ଅଧିକ ଚିକିତ୍ସା ପାଇଁ ବୁର୍ଲା ଓ କଟକ ପଠାଯାଇଛି । ଅନ୍ୟ ଆହତମାନେ ଭବାନୀପାଟଣା ଜିଲ୍ଲା ଚିକିତ୍ସାଳୟରେ ଅଛନ୍ତି ।
