ହାଇ ସ୍ପିଡ୍ ଡାଟା ଆବଶ୍ୟକ ଅଛି କି ? ରିଚାର୍ଜ କରନ୍ତୁ ଏହି ପ୍ରିପେଡ୍ ପ୍ଲାନ୍

ନୂଆଦିଲ୍ଲୀ : କରୋନା ଭାଇରସ୍ ଯୋଗୁଁ ଏବେ ସମଗ୍ର ଦେଶରେ ତାଲାବନ୍ଦ। ଏଭଳି ସ୍ଥିତିରେ ଅଧିକାଂଶ ଲୋକ ଘରେ ରହି କାମ କରୁଛନ୍ତି। ତେବେ ଇଣ୍ଟରନେଟ୍ ସ୍ପିଡ଼ ନହେବା ଫଳରେ ଅଧିକାଂଶ ଲୋକ ବିରକ୍ତି ହୋଇପଡ଼ୁଥିବା ଦେଖାଯାଉଛି। ତେବେ ଏବେ ଆଉ ଆପଙ୍କୁ ଚିନ୍ତା କରିବାର ଆବଶ୍ୟକ ନାହିଁ। ଆମେ ଘରୁ କାମ କରୁଥିବା ଲୋକଙ୍କ ପାଇଁ ଜିଓ, ଏୟାରଟେଲ ଏବଂ ବିଏସଏନଏଲର କିଛି ପ୍ଲାନ ବିଷୟରେ ସୂଚନା ଦେବୁ। ଯାହାକୁ ବ୍ୟାବହାର କରି ଆପଣ ଘରେ ରହି ହାଇସ୍ପିଡ଼୍ ଡାଟା ପାଇପାରିବେ।
ତେବେ ଆସନ୍ତୁ ଏହି ପ୍ଲାନଗୁଡ଼ିକ ଉପରେ ନଜର ପକାଇବା…………..
ଜିଓର ୨୪୯ ଟଙ୍କା ପ୍ଲାନ୍
ଏହି ଯୋଜନାରେ ଉପଭୋକ୍ତାମାନେ ପ୍ରତିଦିନ ୨ ଜିବି ହାଇସ୍ପିଡ଼୍ ଡାଟା ଏବଂ ୧୦୦ ଏସ୍ଏମ୍ଏସ୍ ପାଇପାରିବେ। ଆହୁରି ମଧ୍ୟ, କମ୍ପାନୀ ଅନ୍ୟ ନେଟୱାର୍କକୁ କଲ କରିବାକୁ ଗ୍ରାହକଙ୍କୁ ହଜାରେ ମିନିଟ୍ ଦେବ। ଏହି ପ୍ୟାକର ବୈଧତା ୨୮ ଦିନ ରହିଛି।
ଏୟାରଟେଲର ୪୪୯ ଟଙ୍କା ପ୍ଲାନ୍
ଏହି ଡାଟା ଯୋଜନାରେ ଉପଭୋକ୍ତାମାନେ ପ୍ରତିଦିନ ୨ ଜିବି ହାଇସ୍ପିଡ଼୍ ଡାଟା ସହିତ ୧୦୦ଏସ୍ଏମ୍ଏସ୍ ପାଇପାରିବେ। ଏହା ସହିତ, ଗ୍ରାହକମାନେ ଯେକୌଣସି ନେଟୱର୍କରେ ଅସୀମିତ କଲିଂ କରିବାକୁ ସମର୍ଥ ହେବେ। ଏହି ପ୍ୟାକର ବୈଧତା ୫୬ ଦିନ।
ବିଏସ୍ଏନ୍ଏଲର ୩୧୮ ଟଙ୍କା ପ୍ଲାନ୍
ଏହି ଯୋଜନାରେ ଗ୍ରାହକମାନେ ପ୍ରତିଦିନ ୨ଜିବି ହାଇସ୍ପିଡ଼୍ ଡାଟା ପାଇପାରିବେ। କିନ୍ତୁ ଉପଭୋକ୍ତାମାନେ ଏହି ପ୍ଲାନରେ କୌଣସି ନେଟୱର୍କକୁ କଲ କରିପାରିବେ ନାହିଁ। ଏହି ପ୍ୟାକର ବୈଧତା ୮୪ ଦିନ। ସମ୍ପ୍ରତି ଏହି ଯୋଜନା କେବଳ ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନା ସର୍କଲ ପାଇଁ ଉପଲବ୍ଧ ରହିଛି।