ଗୋପାଳପୁର: ଫୁଲଟା ଗ୍ରାମରୁ ଏକ ଜୀବନ୍ତ ବଜ୍ରକାପ୍ତାକୁ ଉଦ୍ଧାର କରିଛି ବ୍ରହ୍ମପୁର ବନ ବିଭାଗ। ସୂଚନା ମୁତାବକ ଫୁଲଟା ଗ୍ରାମର ଉମାକାନ୍ତ ସାସମଲଙ୍କ ଘର ବାରିରେ ଏହି ବିଳୁପ୍ତ ପ୍ରାୟ ପ୍ରାଣୀ ବଜ୍ରକାପ୍ତାକୁ ପରିବାର ଲୋକେ ଦେଖିଥିଲେ। ଏହାପରେ ସେମାନେ ଉକ୍ତ ଜୀବଟିକୁ ଉଦ୍ଧାର କରି ରଖିବା ସହିତ ସେହି ଗ୍ରାମର ବିନାୟକ ହୋତାଙ୍କ ଜରିଆରେ ବ୍ରହ୍ମପୁର ବନଖଣ୍ଡ ଅଧିକାରୀଙ୍କୁ ସୂଚନା ଦେଇଥିଲେ। ଖବର ପାଇବାପରେ ବ୍ରହ୍ମପୁର ବନଖଣ୍ଡ ଅଧିକାରୀ ସନି ଖୋଖରଙ୍କ ନିର୍ଦ୍ଦେଶକ୍ରମେ ବନାଞ୍ଚଳ ଅଧିକାରୀ ମାଣିକେଶ୍ୱରୀ ହାଂସଦାଙ୍କ ନେତୃତ୍ୱରେ ଏକ ଟିମ ଯାଇ ଜୀବନ୍ତ ବଜ୍ରକାପ୍ତାକୁ ଉଦ୍ଧାର କରିଥିଲେ। ବଜ୍ରକାପ୍ତାଟିର ଲମ୍ଭ ୩ ଫୁଟ ରହିଥିବା ବେଳେ ଏହାର ବୟସ ପ୍ରାୟ ୮ ବର୍ଷ ହେବ ବୋଲି ଆକଳନ କରାଯାଇଛି। ସେହିପରି ଉଦ୍ଧାର ବଜ୍ରକାପ୍ତାର ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ତାକୁ ସଂରକ୍ଷିତ ଜଙ୍ଗଲରେ ଛଡାଯାଇଥିବା ବ୍ରହ୍ମପୁର ବନାଞ୍ଚଳ ଅଧିକାରୀ ମାଣିକେଶ୍ୱରୀ ହାଂସଦା ସୂଚନା ଦେଇଛନ୍ତି।
Popular Categories
Previous article
Next article