ବ୍ରହ୍ମପୁର : ଗଞ୍ଜାମ ଜିଲ୍ଲା ଚିକିଟିପେଣ୍ଠ ଅଞ୍ଚଳରେ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ବାଇକକୁ ସାର ବୋଝେଇ ଟ୍ରକ୍ ଧକ୍କା ଦେଇଛି। ଫଳରେ ସ୍ତ୍ରୀଙ୍କ ମୃତ୍ୟୁ ଘଟିଥିବାବେଳେ ସ୍ଵାମୀ ଗୁରୁତର ହୋଇଛନ୍ତି। ମୃତକ ପଦ୍ମା ସେଠୀ ବୋଲି ଜଣାପଡିଛି। ପଦ୍ମା ଜଣେ ଅଙ୍ଗନଓ୍ବାଡି କର୍ମୀ ଭାବରେ କାମ କରୁଥିଲେ। ଦିଗପହଣ୍ଡି ବ୍ଲକ ଅନ୍ତର୍ଗତ ଜାକରା ଗାଁରୁ ସ୍ୱାମୀ-ସ୍ତ୍ରୀ ଠାକୁର ଦର୍ଶନ ପାଇଁ ଏକ ବାଇକ୍ ଯୋଗେ ଚିକିଟି ଗଢ଼ର ଅକ୍ରୁର ନାଥ ମନ୍ଦିରକୁ ଯାଉଥିଲେ। ଏତିକି ବେଳେ ବିପରିତ ଦିଗରୁ ଏକ ସାର ବୋଝେଇ ଟ୍ରକ ଦ୍ରୁତ ଗତିରେ ଆସୁଥିଲା। ଟ୍ରକଟି ବାଇକକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ପଦ୍ମାଙ୍କର ମୃତ୍ୟୁ ଘଟିଥିବାବେଳେ ତାଙ୍କ ସ୍ଵାମୀ ପ୍ରଦୀପ ସେଠୀଙ୍କୁ ଗୁରୁତର ଅବସ୍ଥାରେ ପ୍ରଥମେ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି।
Popular Categories
Previous article
Next article