ଅବସରପ୍ରାପ୍ତ ଶିକ୍ଷକଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେଇ ଧରା ପଡିଥିଲେ – ବାଧ୍ୟତାମୂଳକ ଅବସର ଦେଲେ ସରକାର

ଗୁଣପୁର -ଅବସରପ୍ରାପ୍ତ ଶିକ୍ଷକଙ୍କ ଠାରୁ ୧୦ ହଜାର ଟଙ୍କ। ଲାଞ୍ଚ ନେଉଥିବାବେଳେ ଗତ ୨ ତାରିଖରେ ଭିଜିଲାନସ୍‌ ହାତରେ ରାୟଗଡା ଜିଲା ଗୁଣପୁର ବିଇଓ ଅନ୍ତର୍ଯ୍ୟାମୀ ବେହେରା ଧରା ପଡିଥିଲେ । ଏ ତାଙ୍କୁ ବୁଧବାରରେ ରାଜ୍ୟ ସରକାର ବାଧ୍ୟତା ମୂଳକ ଅବସର ଦେଇଛନ୍ତି । ଦୂର୍ନିତି ମାମଲାରେ ଛନ୍ଦି ହୋଇପଡିଥିବାରୁ ତାଙ୍କ ବିରୋଧରେ ସରକାର ଏହି ପଦକ୍ଷେପ ଗ୍ରହଣ କରିଛନ୍ତି ।

ସୂଚନା ଯୋଗ୍ୟ ୧୧ ଜଣ ଅବସରପ୍ରାପ୍ତ ଶିକ୍ଷକଙ୍କ ୫୦ ପ୍ରତିଶତ ଏରିୟର କରିବା ଏବଂ ୨୯ ଜଣଙ୍କ ଶିକ୍ଷକଙ୍କ ସର୍ଭିସ ବୁକ ସମ୍ୱନ୍ଧୀୟ କାଗଜପତ୍ର ଭୂବନେଶ୍ୱର ଏଜି ଅଫିସକୁ ପଠାଇବା ପାଇଁ ସେ ଟଙ୍କା ଦାବି କରିଥିଲେ । ଏହି ଘଟଣା ନେଇ ଅବସପ୍ରାପ୍ତ ଶିକ୍ଷକଙ୍କ ପକ୍ଷରୁ ଭିଜିଲାନ୍‍ସ ଜୟପୁର ଏସପିଙ୍କ ନିକଟରେ ଅଭିଯୋଗ କରାଯାଇଥିଲା । ଅବସପ୍ରାପ୍ତ ଶିକ୍ଷକ ପ୍ରଭାତ ମହାପାତ୍ର ୧୦ ହଜାର ଟଙ୍କା ଧରି ବିଇଓ ଅନ୍ତର୍ଯ୍ୟାମୀ ବେହେରାଙ୍କ ଘରକୁ ଯାଇଥିଲେ । ଟଙ୍କା ନେଉଥିବା ସମୟରେ ରାୟଗଡା ଭିଜାଲାନସ୍‌ ଟିମ ସେଠାରେ ପହଁଞ୍ଚି ଟଙ୍କା ସହ ବିଇଓ ବେହେରାଙ୍କୁ ଗିରଫ କରିଥିଲେ । ଏଥି ସହ ତାଙ୍କ ନିକଟରୁ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାଗଜ ପତ୍ର ମଧ୍ୟ ଭିଜିଲାନସ୍‌ ଜବତ କରିଥିଲେ । ରାୟଗଡା ଡିଏସ୍‌ପି ସୁରେନ୍ଦ୍ର ନାଥ ରାଇଗୁରଙ୍କ ଅଧ୍ୟକ୍ଷତାରେ ଭିଜିଲାନସ୍‌ ଟିମ ଗୁଣପୁର ଆସି ଚଢଉ ପ୍ରକ୍ରିୟାରେ ସାମିଲ ହୋଇଥିଲେ । ଭିଜିଲାନସ୍‌ ଥାନା କେସ୍‌ ନଂ.୪/୨୦୨୨ କ୍ରମେ ବିଇଓ ବେହେରାଙ୍କ ନାମରେ ମାମଲା ରୁଜୁ ହୋଇଥିଲା ।

Comments are closed.