ସମାଜ ଡିଜିଟାଲ ଡେସ୍କ: ବଜାରରେ ବୁଲୁଥିବା ସମୟରେ ଟଳି ପଡ଼ିଲେ ବ୍ଲକ ଶିକ୍ଷା ଅଧିକାରୀ(ବିଇଓ)। ଉଡ଼ିଗଲା ପ୍ରାଣବାୟୁ। ଗୁରୁବାର ଏଭଳି ଏକ ଦୁଃଖଦ ଘଟଣା ଘଟିଛି ଅନୁଗୁଳ ଜିଲା ବଇଣ୍ଡା ବଜାରରେ। ମୃତକ ହେଲେ ଶିବାନନ୍ଦ ଦଣ୍ଡ। ତାଙ୍କ ଘର ବାଲେଶ୍ଵର ଜିଲା ସୋର ଅଞ୍ଚଳରେ।
ଶିବାନନ୍ଦ ଅନୁଗୁଳ ଜିଲା ଆଠମଲ୍ଲିକ ବ୍ଲକ ଶିକ୍ଷା ଅଧିକାରୀ ଭାବେ ନିଯୁକ୍ତ ଥିଲେ। ଗୁରୁବାର ସେ ବଇଣ୍ଡା ବଜାରରେ ବୁଲାବୁଲି କରୁଥିବା ସମୟରେ ହଠାତ ତଳେ ପଡ଼ିଯାଇଥିଲେ। ସେଠାରୁ ତାଙ୍କୁ ନିକଟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
